قازاقستاندىقتار ەندى جەكە كۋالىكسىز جۇرە الادى

نۇر-سۇلتان. قازاقپارات - ەندى قازاقستاندىقتار وزىمەن بىرگە جەكە كۋالىك الماي جۇرە الادى. سەبەبى، قۇجاتتى ۇيالى تەلەفوندا ەلەكتروندى تۇردە ساقتاۋعا مۇمكىندىك بار.

ەلەكتروندى ۇكىمەت تەلەفونعا ارنالعان eGov mobile قوسىمشاسىن ۇسىندى دەپ حابارلايدى KAZ. NUR. KZ.

اتالعان جاڭالىق «ۇلتتىق اقپاراتتىق تەحنولوگيالار» ا ق- نىڭ رەسمي Facebook پاراقشاسىندا پايدا بولدى.

ەندى قاجەت بولعان جاعدايدا قۇجاتتى QR- كود ارقىلى تەلەفوننان كورسەتۋگە بولادى.

قۇجاتتىڭ ەلەكتروندى نۇسقاسىن ەلەكتروندى ۇكىمەت جۇيەسىنە تىركەلگەن ازاماتتار قوسىمشاداعى تىركەۋدەن ءوتۋ ارقىلى پايدالانا الادى.

قوسىمشاسىنا Play Market پەن App Store-دان جازىپ الۋعا بولادى.

ايتا كەتەيىك، 1- قاراشادا مەكەنجاي انىقتاماسى ەلەكتروندى فورماتقا كوشتى. ياعني، قازاقستاندىقتار قۇجاتتى ح ق ك و- دان المايدى.