09:42, 06 - قاراشا 2019 | GMT +6
يتاليانىڭ كامماراتا قالاسىندا ۇيلەردى ءبىر دوللارعا ساتۋعا كوشتى
نۇر-سۇلتان. قازاقپارات - يتاليانىڭ كامماراتا قالاسىنىڭ بيلىگى قالا تۇرعىندارىنىڭ سانىن ارتتىرۋ ءۇشىن ۇيلەردى تەگىن تاراتىپ جاتىر، دەپ جازادى CNN.
باسىلىمنىڭ حابارلاۋىنشا، سوڭعى بىرنەشە جىلدا يتاليا قالالارى تۇرعىندار سانىن ارتتىرۋ ءۇشىن ۇيلەردى ءبىر دوللارعا ساتۋعا كوشكەن.
«نەاپول مەن سيتسيليانىڭ بىرنەشە قالالارى بۇل جۇيەگە ەڭ سوڭىندا قوسىلعان، ال كامماراتا قالاسى بۇل جۇيەدەن اسىپ ءتۇسىپ، ۇيلەرىن تەگىن تاراتۋعا كوشتى. قالا مەرى ۆينچەنسو دجامبرونە دەپوپۋلياتسيادان قۇتىلۋ ءۇشىن بوس تۇرعان ۇيلەردى تەگىن بەرۋگە كوندىرۋ ءۇشىن ءۇش جىل ۋاقىت كەتىرگەن. وسىلايشا ول قازىرگى تاڭدا ونداعان تۇرعىن ءۇيدى تەگىن بەرۋگە كوندىرگەن جانە جاقىن ارادا بۇل كورسەتكىش ارتا بەرەتىنىنە سەنىمدى» دەپ جازادى باسىلىم.
مەردىڭ ايتۋىنشا، كامماراتا قالاسىندا جۇزگە جۋىق ءۇي بوس تۇر جانە ولاردىڭ بارلىعى تۇرعىندارعا بەرىلسە، قالا تىرلىگى جاندانىپ شىقپاق.
اۆتور: ايكۇمىس بولاتبەك