+7 (701) 759 90 19
1 °С : نۇر-سۇلتان
4 °С : الماتى
USD 388.70 EUR 428.70
RUB 6.08 CNY 55.46
جاڭالىقتار

قوستاناي اكىمدىگى كيىز ءۇي لاگەرىن قولعا الماق

5 قاراشا 21:17
:ءبولىسۋ
قوستاناي اكىمدىگى كيىز ءۇي لاگەرىن قولعا الماق

قوستاناي. قازاقپارات - قوستاناي وبلىسىندا «رۋحاني جاڭعىرۋ» باعدارلاماسى بويىنشا اتقارىلعان ىستەر قورىتىندىلاندى، دەپ حابارلايدى قازاقپارات.

«رۋحاني جاڭعىرۋ» باعدارلاماسىنىڭ جۇزەگە اسقانىنا ەكى جىلدان استام ۋاقىت ءوتتى. سول ۋاقىت ارالىعىندا وڭىردە قوعامدىق سانانى جاڭعىرتۋ باعىتىندا ءتۇرلى جوبالار قولعا الىنىپ، اۋقىمدى جۇمىستار اتقارىلۋدا. ءار توقسان سايىن وبلىس اكىمدىگىنىڭ جانىنداعى كونسۋلتاتيۆتى كەڭەسشى ورگان قوعامدىق ءماجىلىس وتكىزىپ تۇرادى.

بۇگىنگى كەزدەسۋ وبلىس اكىمىنىڭ ورىنباسارى مارات جۇندىبايەۆتىڭ توراعالىعىمەن ءوتتى. باسقوسۋعا قاتىسقاندار باعدارلاما اياسىندا اتقارىلعان ىستەردى تالقىلاپ، كەلەشەكتە قولعا الىناتىن باستامالاردى قاراستىردى.

«قوستاناي وبلىسىندا «رۋحاني جاڭعىرۋ» باعدارلاماسىن دارىپتەۋ ماقساتىندا «تۋعان جەر» ارنايى جوباسى جۇمىس ىستەيدى. «اتامەكەن» باعدارلاماسى اياسىندا 4 جوبا قولعا الىنعان. ولار: «كوركەيە بەر، قوستاناي!»، «جومارت جۇرەك»، «راحمەت ساعان، تۋعان ەل!» جانە وبلىستىق رەسۋرستىق ورتالىق. بيىل ءوڭىردى دامىتۋ ماقساتىندا 5 ميلليارد 693 ميلليون تەڭگەگە 182 جوبا جۇزەگە اسىرىلدى. سونىڭ ىشىندە 137 شارا تولىق اياقتالدى. بۇل باستامالاردىڭ دەنى حالىقتىڭ ءال اۋقاتىن جاقسارتۋدى كوزدەيدى. وسى جىلى وبلىستىڭ 14 وڭىرىندە 29 بالالار الاڭى سالىندى. ونىڭ سىرتىندا ساياباقتار قالپىنا كەلتىرىلىپ، قانشاما مەكتەپ جوندەۋدەن ءوتىپ، روبوتوتەحنيكا كابينەتتەرى اشىلدى»، - دەيدى وبلىستىق ىشكى ساياسات باسقارماسىنىڭ باسشىسى زاۋرە بايمەنوۆا.

باسقارما باسشىسىنىڭ سوزىنشە، سوڭعى ءۇش جىل ىشىندە وبلىستا 471 جوبا جۇزەگە اسىپ، 10 ميلليارد تەڭگەدەن استام قارجى يگەرىلگەن. الەۋمەتتىك جوبالاردى يگەرۋگە ۇلەس قوسقان مەتسەناتتاردىڭ دا قاتارى ارتىپ كەلەدى. جاستار اراسىندا، ۇەۇ بويىنشا دا «رۋحاني جاڭعىرۋ» باعدارلاماسى بويىنشا اتقارىلىپ جاتقان ىستەر از ەمەس.

«اتقارىلعان جۇمىستارعا جاقسى باعا بەرۋگە بولادى. مەتسەنتاتتار قاتارى دا ارتىپ كەلەدى. ءار اۋداندا اۋىز تولتىرىپ ايتارلىقتاي ىستەر بار. قولعا العان جوبالارعا قانشا قاراجات بولىنسە دە، باستىسى ولار ءتيىمدى جۇمسالۋى كەرەك. كەلەر جىلى ەرىكتىلەر جىلى دەپ وتىرمىز. مۇنى دا ءتيىمدى پايدالان بىلگەنىمىز ءجون. ءار سالادا كورنەكى ىستەردى جۇزەگە اسىرۋ كەرەك. بۇل ورايدا مەملەكەتتىك تاپسىرىسپەن دە جۇمىس ىستەۋگە بولادى. مىسالى، ناۋىرزىم اۋدانى كيىز ءۇي لاگەرىن قولعا الۋدى ۇسىنعان ەدى. مەنىڭشە بۇل تاماشا باستاما. ءبىز قولدايمىز. بالالار ءۇشىن قىزىقتى بولادى دەپ ويلايمىن. ەندىگى جەردە كەلەر جىلعا دەگەن ناقتى ۇسىنىستار جەلتوقسان ايىنا دەيىن ءازىر بولۋى ءتيىس»، - دەدى م. جۇندىبايەۆ.

اۆتور: قاسقىرباي قويشىمانوۆ


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات