+7 (701) 759 90 19
-2 °С : نۇر-سۇلتان
-1 °С : الماتى
USD 384.97 EUR 427.12
RUB 6.04 CNY 54.75
جاڭالىقتار

ەلباسى وتاندىق جانە شەتەلدىك ب ا ق وكىلدەرى ءۇشىن بريفينگ وتكىزدى

5 قاراشا 17:53
:ءبولىسۋ
ەلباسى وتاندىق جانە شەتەلدىك ب ا ق وكىلدەرى ءۇشىن بريفينگ وتكىزدى

نۇر- سۇلتان. قازاقپارات - ەلباسى تۇركىستانعا ساپارىنىڭ قورىتىندىسى بويىنشا وتاندىق جانە شەتەلدىك ب ا ق وكىلدەرى ءۇشىن بريفينگ وتكىزدى. جۋرناليستەر الدىندا سويلەگەن سوزىندە قالا اۋماعىندا قارقىن العان قۇرىلىس جۇمىستارىنىڭ اۋقىمىن اتاپ ءوتتى، دەپ جازادى elbasy.kz.

«وتكەن جىلى وبلىس ورتالىعىن كوشىرۋ تۋرالى جارلىققا قول قويعان سوڭ اۋقىمدى قۇرىلىستى باستادىق. بۇگىن مەن وراسان زور عيماراتتاردى ارالاپ كوردىم. كوپتەگەن جاڭا نىساندار بوي كوتەرىپ، جاستار ءۇشىن جۇمىس ورىندارى اشىلىپ جاتىر. اۋرۋحانالار، مەكتەپتەر، قوناق ۇيلەر، حالىقارالىق اۋەجاي سالىنادى. سۋ رەسۋرستارىمەن قامتۋ سالاسىنداعى ماسەلەلەردى شەشۋ جوسپارلانعان»، - دەدى نۇرسۇلتان نازاربايەۆ.

سونىمەن قاتار، قازاقستاننىڭ تۇڭعىش پرەزيدەنتى اكىمدىكتىڭ ينفراقۇرىلىمدىق جوبالاردى جۇزەگە اسىرۋ جوسپارلارى تۋرالى ايتتى.


«ءبىر جىل ىشىندە كوپتەگەن جۇمىس ىستەلدى. كەلەسى جىلى وزبەكستان، قىرعىزستان، تۇركىمەنستان، تاجىكستان باسشىلارىن سامميتكە شاقىرۋدى جوسپارلاپ وتىرمىز. ەگەر ولار قاتىسۋدى راستاسا، ءبىز ونى تۇركىستاندا وتكىزۋىمىز مۇمكىن. بۇكىل قازاقستان جۇرتشىلىعى تۇركىستاننىڭ دامۋىن قولداپ وتىر. ءاربىر ءۇي، ءاربىر قالا - بۇل قازاقستاننىڭ بايلىعى. ەلوردانى سالعان كەزدە قارجىلاندىرۋعا بايلانىستى سۇراقتار بولعان ەدى. ەندى نۇر- سۇلتان قالاسى بارلىق شىعىنداردى وتەپ، جىل سايىن بيۋدجەتكە تريلليونداعان كىرىس اكەلىپ وتىر»، - دەدى ەلباسى.

سونىمەن بىرگە، نۇرسۇلتان نازاربايەۆ تۇركىستان مەن بۇكىل ءوڭىردىڭ تۋريستىك الەۋەتىن دامىتۋدىڭ ماڭىزدىلىعىن اتاپ ءوتتى.

«ءبىز مۇندا كوپتەپ تۋريستەردى تارتۋىمىز كەرەك. بۇكىل تۇركى الەمى تۇركىستاندى ورتالىق دەپ سانايدى. تۋريزم - ەكونوميكانىڭ ماڭىزدى بولىگى. مۇندا كوپتەگەن مۇراجايلار بار. قازىر «كۇلتوبە قالاشىعى» ارحەولوگيالىق پاركىن قۇرۋ جۇمىستارى جۇرگىزىلۋدە»، - دەدى قازاقستاننىڭ تۇڭعىش پرەزيدەنتى.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات