وسكەمەندە «كيەلى التاي» فوتوكورمەسى ءوتتى
ەستەرىڭىزگە سالا كەتەيىك، كورمەگە كەلۋشىلەردىڭ نازارىنا ۇسىنىلعان سۋرەتتەر بلوگتۋر اياسىندا تۇسىرىلگەن. بلوگتۋر «شىعىس- اقپارات» ج ش س مەن كاتونقاراعاي اۋدانى اكىمدىگىنىڭ قولداۋىمەن ۇيىمداستىرىلدى.
مۇندا كەلۋشىلەر National Geographic, « ەگەمەن كازاقستان» ، وبلىستىق «ديدار» جانە «رۋدنىي التاي» گازەتتەرىنىڭ فوتوتىلشىلەرى تۇسىرگەن تۋىندىلاردى تاماشالاپ قايتتى. اسىرەسە، وبلىستىق «ديدار» گازەتىنىڭ قىزمەتكەرلەرى مەرەي قاينار ۇلى مەن تىلەۋبەك شاياحمەتتىڭ سۋرەتتەرىنە قىزىعۋشىلىق تانىتقانداردىڭ قاراسى كوپ بولدى.
مەرەي مەن تىلەۋبەكتىڭ بۇل باسىلىمدا قىزمەت ەتكەندەرىنە بىرنەشە جىل ءوتتى. بۇدان بولەك ولار الەۋمەتتىك جەلىلەردە شىعىس قازاقستاننىڭ تۇمسا تابيعاتىنان سىر شەرتەتىن فوتوسۋرەتتەردى ءجيى سالىپ وتىراتىنىن اتاپ وتكەن ورىندى. ءتىپتى مەرەي مەن تىلەۋبەكتىڭ «قولتاڭبالارىن» وبلىس تۇرعىندارىمەن قاتار شەتەلدىكتەر دە تانيدى.
فوتوكورمەگە العاش رەت جەرگىلىكتى جوو- داعى جۋرناليستيكا فاكۋلتەتىنىڭ ستۋدەنتى ەلناز ابەنعازييەۆا دا قاتىستى. بويجەتكەننىڭ ايتۋىنشا، ول بلوگتۋرعا شاقىرتۋ الامىن دەپ مۇلدەم ويلاماپتى. قازىلار القاسى ونىڭ تۋىندىلارىن جوعارى باعالاپ، وسى تۋرعا قاتىسۋعا ۇسىنىپتى. جاس فوتوگرافتىڭ ايتۋىنشا، ونى اسەمدىگىمەن كوز تارتاتىن تابيعاتتىڭ سۇلۋلىعى تاڭعالدىرىپتى. ءسويتىپ، ول كيىز ۇيدەن جۇلدىزدى اسپاندى فوتوسۋرەتكە تۇسىرگەن. ال ونىڭ بۇل جۇمىسى كورمەدە وڭ باعاسىن الدى.
فوتوكورمە بارىسىندا نۇرلان بۇلدىرگەن مۇنداي بايقاۋعا العاش رەت قاتىسىپ وتىرعانىن اتاپ ءوتتى. كورەرمەن قاۋىم نۇرلاننىڭ تۋىندىلارىنا قىزىعۋشىلىق تانىتتى.
«فوتوونەر كەلەشەكتە كادەمە جارايتىنىنا سەنەمىن. بولاشاقتا تابيعاتپەن بايلانىستى جوبانى قولعا العىم كەلەدى. بۇل ءۇشىن ءبىز دە بارلىق جاعدار بار. شىعىس قازاقستاندا تاۋ دا، سۋ ايدىندارى دا بار. وسى تۋرالى بارلىق ەلدەر ءبىلۋى ءتيىس» ، - دەدى نۇرلان بۇلدىرگەن.
وسكەمەندەگى فوتوكورمە قاراشا ايىنىڭ 8 ىنە دەيىن جالعاسىن تابادى. ۇيىمداستىرۋشىلار، وعان ءارتۇرلى جاستاعى كورەرمەندەردىڭ كەلەتىنىنە كامىل سەنەدى.
بۇدان سوڭ كورمە سەمەي قالاسىندا وتەتىن بولادى.
