+7 (701) 759 90 19
1 °С : نۇر-سۇلتان
6 °С : الماتى
USD 388.70 EUR 428.70
RUB 6.08 CNY 55.46
جاڭالىقتار

ءجۇز جىل بۇرىنعى ءتولقۇجاتتار: فوتوسى كەز كەلگەن بولۋى مۇمكىن زاماندار

5 قاراشا 10:27
:ءبولىسۋ
ءجۇز جىل بۇرىنعى ءتولقۇجاتتار: فوتوسى كەز كەلگەن بولۋى مۇمكىن زاماندار

نۇر-سۇلتان. قازاقپارات - العاشقى ءتولقۇجاتتار ورتا عاسىردا پايدا بولدى.

بۇل قۇجات ءتۇرى سول كەزدەگى تۇرعىنداردىڭ ءبىر قالادان ەكىنشى قالاعا ەشبىر تولەم نەمەسە سالىقسىز، ەركىن ساياحاتتاۋىنا مۇمكىندىك بەردى.

ءتىپتى، وسى ەركىندىكتىڭ اۋقىمىن بارىنشا كەڭەيتۋ ءۇشىن قالالار اراسىندا قۇجاتقا قاتىستى ءوزارا كەلىسىم جاسالاتىن. ەركىن ساياحاتاۋشىلارعا pass porte بەرىلدى.

ال، شەنەۋنىكتەرگە ءتولقۇجات بەرەتىن بيلەۋشىنىڭ ءوزى بولدى. قۇندى قۇجاتقا يە بولعان شەنەۋنىكتەردىڭ قاي- قايسىسى بولماسىن، كورولدىكتىڭ كەز- كەلگەن قالاسىنا وڭاي كىرۋگە مۇمكىندىك الدى. ەڭ العاشقى ءتولقۇجاتتى قولدانىسقا ەنگىزگەن انليانىڭ گەنريح V كورولى. مۇنداعى نەگىزگى ماقسات ساياحاتتاۋ ەركىندىگىن قالىپتاستىرۋ ەكەنىن جوعارىدا ايتىپ وتتىك.


البانيا ءتولقۇجاتى 1921 -جىل

ءتولقۇجاتتىڭ قىسقاشا تاريحى وسىنداي. ال، بۇگىندە ءتولقۇجات بىرنەشە جىلدارعا سوزىلعان ءتۇرلى كەزەڭدەردەن ءوتىپ، ءبىرشاما وزگەرگەنىن ايتا كەتپەسكە بولماس. ءتىپتى، بۇگىنگى تاڭدا ءتولقۇجاتتاعى سۋرەتكە قاتىستى ءار ەلدە ءوز زاڭى مەن ەرەجەلەرى قابىلدانىپ ۇلگەرگەن. ماسەلەن، جاڭا زەلانديادا تەك اق- قارا ءتۇستى سۋرەتتەرگە عانا رۇقسات ەتىلسە، ۇلىبريتانيادا جىميىپ، كۇلىپ تۇسۋگە تىيىم سالىنادى.

الايدا، ءتولقۇجاتقا سۋرەت قويۋ تەك 19 -عاسىردىڭ سوڭى مەن 20 -عاسىر باسىندا عانا پايدا بولعان ءۇردىس. ءبىراق ەشقانداي شارتتارى بولماعان.


1914 -جىلدارداعى ءتولقۇجات

سۋرەت قويۋ ءۇردىسى قاشان جانە قالاي قالىپتاسقانىن ءبىلۋ ءۇشىن تاريحقا ويىسايىق. 1876 -جىلى فيلادەلفيادا وتكەن كورمە كەزىندە، بيلەتكە يەلەرىنىڭ رەتتىك قاتارى، اتى-جونىمەن بىرگە سۋرەتتەرى جابىستىرىلعان بولاتىن. كەيىن وسى يدەيانىڭ كوڭىلدەن شىققانى سونشالىق، ءتولقۇجاتقا سۋرەت قويۋ ءۇردىسى باستالىپ كەتتى.

ءبىر قىزىعى، بۇعان دەيىن ءتولقۇجات تەك ادامداردىڭ ءتۇر-الپەتىن عانا سيپاتتاپ كەلدى. ماسەلەن، قۇجات يەسىنىڭ كەسكىنىن بايانداۋ ءۇشىن ول ادامنىڭ ءتۇر-الپەتىن سۋرەتتەۋگە تۋرا كەلەتىن. سوعان سايكەس، «ءتولقۇجات يەسى قىرمۇرىندا، اققۇبا، بۇيرا شاشتى» سەكىلدى تىركەستەر قولدانىلاتىن. مۇندا بەت-ءپىشىندى سيپاتتاۋ بارىسىندا جاڭىلىسپاۋ ماڭىزدى بولدى.


1841 -جىلدارداعى ادامنىڭ سيپاتتاماسى جازىلعان امەريكالىق ءتولقۇجات

العاشقىدا قۇجاتقا كەز-كەلگەن سۋرەت ءتۇرى جاراي بەرەتىن، ءتىپتى توپتاسقان ءتۇرى دە. سونىڭ ايقىن ءبىر دالەلى، تانىمال جازۋشى ارتۋر كونان دويلدىڭ وتباسىلىق سۋرەتى. جازۋشىنىڭ 1915 -جىلعى قۇجاتىندا جارى، بالالارىمەن تۇسكەن سۋرەتى قويىلعان.


بارلىق وتباسى مۇشەلەرىنىڭ سۋرەتى بار ءتولقۇجات

قازىرگىدەي ەمەس، سول داۋىردە سۋرەتكە قالاي ءتۇسۋدى ءتولقۇجات يەسى ءوزى شەشەتىن. ۇزىنىنان تولىق بويى الىنعان نەمەسە قالپاق كوستيۋممەن تۇسكەن سۋرەتتەر، ءتىپتى ءوزىڭنىڭ سۇيىكتى ءىسىڭنىڭ ۇستىندەگى سۋرەتتەردى قويۋعا ەشبىر كەدەرگى بولعان جوق.


ايەلىنىڭ سۋرەتى قويىلعان كۇيەۋىنىڭ ءتولقۇجاتى

ءبىرىنشى دۇنيەجۇزىلىك سوعىس كەزىندە مەملەكەتتەر شەكارالىق باقىلاۋدى ەنگىزدى. وسىنداي الماعايىپ كەزەڭدە ءتولقۇجات تىڭشى سەكىلدى كۇماندى ادامداردى كىرگىزبەيتىن ساقتاندىرۋ قۇرالىنا اينالدى. ساياحاتتاۋشىلاردىڭ وسى سىندى ساقتىق شارالاردى كەدەرگىسىز ءوتۋىن ءتولقۇجاتتار قامتاماسىز ەتتى. 1918 -جىلى بەيبىتشىلىك ورناعان كەزدە كوپتەگەن مەملەكەتتەر شەكارالىق قاۋىپسىزدىكتى ساقتاي وتىرىپ، ءتولقۇجاتتى دا ساقتاپ قالدى.

bilim-all.kz


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات