قازاقستان مەن قىتاي ەكىجاقتى ىنتىماقتاستىقتى ارتتىرادى

None
None
نۇر-سۇلتان. قازاقپارات - بەيجىڭدە ق ر پرەمەر-ءمينيسترىنىڭ ءبىرىنشى ورىنباسارى ‒ قارجى ءمينيسترى ءاليحان سمايىلوۆ پەن ق ح ر مەملەكەتتىك كەڭەسى ءتوراعاسىنىڭ ورىنباسارى حان جىڭنىڭ توراعالىعىمەن ق ر ‒ ق ح ر ىنتىماقتاستىق كوميتەتىنىڭ IX وتىرىسى ءوتتى.

بۇل تۋرالى ق ر ۇكىمەتىنىڭ باسپا ءسوز قىزمەتى حابارلايدى.

ق ر ‒ ق ح ر ىنتىماقتاستىق كوميتەتىنىڭ IX وتىرىسىندا ساۋدا-ەكونوميكالىق، ەنەرگەتيكالىق، عىلىمي- تەحنيكالىق، قارجىلىق، كولىك، مادەني- گۋمانيتارلىق، سۋ جانە ەكولوگيالىق، گەولوگيالىق جانە كەدەندىك ىنتىماقتاستىق پەن قاۋىپسىزدىك سالاسىنداعى 10 مامانداندىرىلعان كىشى كوميتەتتەردىڭ جانە ەكى بىرلەسكەن كوميسسيانىڭ جۇمىس ناتيجەلەرى قارالدى.

تاراپتاردىڭ دامۋ ماقساتتارى مەن تۇجىرىمدامالارى ۇقساس، تىعىز بايلانىس پەن ۇيلەستىرۋ بار، سونداي- اق ءتۇرلى سالالارداعى ىنتىماقتاستىقتىڭ ساپاسى مەن دەڭگەيى كۇن ساناپ جاقسارىپ كەلە جاتقانى ايتىلدى.

قازاقستان رەسپۋبليكاسى مەن قىتاي حالىق رەسپۋبليكاسى اراسىنداعى ساۋدا- ەكونوميكالىق ىنتىماقتاستىقتىڭ ورتا مەرزىمدى جانە ۇزاق مەرزىمدى پەرسپەكتيۆالارعا باعىتتالعان (2020-2025 ج ج. ) بىرلەسكەن دامۋ جوسپارىن جۇزەگە اسىرۋ تۋرالى ۋاعدالاستىققا قول جەتكىزىلدى.

ق ر مەن ق ح ر اراسىنداعى ءوزارا ساۋدا- ساتتىق اياسىن كەڭەيتۋ ماقساتىندا قىتايعا قازاقستاندىق ەكسپورتتىق ونىمدەردى، ونىڭ ىشىندە ەنەرگەتيكا مەن اۋىلشارۋاشىلىق ونىمدەرىن جەتكىزۋ كولەمىن ارتتىرۋ تۋرالى كەلىسىم جاسالدى.

وتىرىس قورىتىندىسى بويىنشا كوميتەت ءتوراعالارى حاتتاماعا قول قويدى.

تاراپتار كوميتەتتىڭ Х وتىرىسىن 2021 -جىلى قازاقستاندا وتكىزۋگە كەلىستى.

سوڭعى جاڭالىقتار