+7 (701) 759 90 19
-2 °С : نۇر-سۇلتان
-1 °С : الماتى
USD 384.97 EUR 427.12
RUB 6.04 CNY 54.75
جاڭالىقتار

ەرجان ماكسيمنىڭ پولشادا  وتەتىن حالىقارالىق ءان بايقاۋىنا دايىندىعى قالاي وتۋدە؟

5 قاراشا 07:31
:ءبولىسۋ
ەرجان ماكسيمنىڭ پولشادا  وتەتىن حالىقارالىق ءان بايقاۋىنا دايىندىعى قالاي وتۋدە؟

ورال. قازاقپارات – 24- قاراشا كۇنى پولشانىڭ گليۆيتسە قالاسىندا «Junior Eurovision» حالىقارالىق ءان بايقاۋى باستالادى، دەپ حابارلايدى قازاقپارات «حابار 24» تەلەارناسىنا سىلتەمە جاساپ.

ءدۇبىرلى دودادا 9 بەن 14 جاس ارالىعىنداعى انشىلەر ونەر كورسەتەدى. الەم ەلدەرى كوز تىككەن سايىسقا قازاقستان اتىنان «بالالار داۋىسى» ۇلتتىق جوباسىنىڭ جەڭىمپازى ەرجان ماكسيم قاتىسادى.

اتاپ وتەيىك، «حابار» اگەنتتىگى 2016-جىلى ايتۋلى شارانى ۇيىمداستىراتىن ەۋروپالىق حابار تاراتۋ وداعىنىڭ مۇشەسى اتاندى. بۇل، بايقاۋعا قاتىسۋ ءۇشىن ەلدەن ۇمىتكەر ۇسىنۋعا مۇمكىندىك بەرەدى. وسىنىڭ ناتيجەسىندە قازاقستان «Junior Eurovision» بايقاۋىنا ەكىنشى مارتە قاتىسپاق.

بيىل ەل نامىسىن قورعايتىن ەرجان ماكسيم سايىستا «ارمانىڭنان قالما» تۋىندىسىن ورىندايدى. انگە الماتى قالاسىندا كليپ تە تۇسىرىلگەن. جالپى «Junior Eurovision» شارتى بويىنشا قاتىسۋشى ەش جەردە جاريالانباعان 3 مينۋتتىق كومپوزيتسيانى جاندى داۋىستا ورىنداۋى ءتيىس.

وسى كۇندەرى ەرجان كونكۋرسقا قىزۋ دايىندىق ۇستىندە. وعان تاجىريبەلى انشىلەر، ماماندار اقىل-كەڭەستەرىن بەرۋدە.

ە. ماكسيم ءۇشىن تاقىم قىسىپ، تىلەكشى بولىپ وتىرعانداردىڭ اراسىندا العاشقى ۇستازى داريا باقىتوۆا دا بار.

«بۇگىن ۇيقىدان تۇرىپ، پاراقشاسىن اشىپ قاراپ ەدىم، ەرجان اندرەا بوچەلليدى تىڭدايتىنىن ايتىپتى. الەمدىك جۇلدىز. سول اعاسىمەن تانىسقان، ديماش، ءبارى سول كىسىنىڭ قاسىندا ءجۇر ەكەن. ءانىن ايتىپ كورسەتىپ جاتىر. اندرەا سۇيەمەلدەپ وتىر. بۇل وتە قۋانىشتى جاعداي»، - دەيدى ول.

ەسكە سالساق، ەرجان ماكسيمنىڭ اتالمىش حالىقارالىق بايقاۋعا قاتىساتىنىن بۇعان دەيىن حابارلاعان بولاتىنبىز. 10- قازان كۇنى جاس دارىن الماتىدا باسپا ءسوز ءماسليحاتىن وتكىزىپ، بايقاۋعا ارنالعان «ارمانىڭنان قالما» ءانىنىڭ بەينەبايانىن كورسەتتى. ونىڭ رەجيسسەرى - الەكساندر فلومبويم، پروديۋسەرى - سەرگەي رۋتسكي. ءاننىڭ اۆتورلارى - حاميت شانعاليەۆ، دانيار الدابەرگەنوۆ جانە تيمۋر بالىمبەتوۆ.

«Junior Eurovision» العاش رەت 2003-جىلى دانيانىڭ كوپەنگاگەن قالاسىندا ءوتتى. بيىلعى بايقاۋعا 19 ەلدەن ورەندەر قاتىسادى.

ال قازاقستان بۇل بايراقتى باسەكەگە العاش رەت 2018-جىلى مينسكىدە (بەلارۋس) قاتىستى. ەلىمىز اتىنان «وزىڭە سەن» انىمەن دانەليا تولەشوۆا ونەر كورسەتتى. ول التىنشى ورىنعا يە بولدى. باس جۇلدە پولشالىق روكساننا ۆەنگەلگە بۇيىردى. ەكىنشى ورىندى فرانسيا ءانشىسى انگەلينا، ءۇشىنشى ورىندى اۆستراليالىق دجاەل ۋەنا جەڭىپ الدى.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات