تۇرىك ەلىنىڭ تاريحى تۋرالى جاڭا تەلەحيكايا كورسەتىلەدى
جۋىردا تۇركيا مەملەكەتىنىڭ «پوسلەدنيي يمپەراتور» (سوڭعى يمپەراتور) دەپ اتالاتىن تاريحي تەلەحيكاياسى كورەرمەنگە جول تارتادى. تۋىندىدا وسمان يمپەرياسىنىڭ سوڭعى بيلەۋشىسى II ءابدۋل حاميدتىڭ ەل بيلەگەن جىلدارى، ءومىرى سۋرەتتەلەدى. اتالمىش تەلەحيكايانى 4 - قاراشادان، ياعني بۇگىننەن باستاپ «حابار» تەلەارناسىنان، ساعات 21.40 تا تاماشالاي الاسىزدار.
تەلەحيكايا XIX- ⅩⅩعاسىرلاردا تۇركى تاريحىندا بولعان شىنايى وقيعالار نەگىزىندە تۇسىرىلگەن. XIX عاسىردىڭ سوڭى. تۇركيا ەلى. ول ەل باسقارۋشىسى بولماۋى ءتيىس ەدى. وسمان يمپەرياسى بيلەۋشىلەرى قاتارىنان كورىنبەۋى كەرەك ەدى. ءبىراق، حان تاعىنا وتىرۋ باقىتى بۇيىرادى. قاراپايىم قاراشانىڭ سەنىمىنە سەلكەۋ تۇسىرمەۋدىڭ جولىندا جۇرگەن ءابدۋل حاميد تاق تورىنە وتىرعان سوڭ، وسمان يمپەرياسىنىڭ تاريحىنا تىكەلەي اسەرى بار شەت مەملەكەتتەردىڭ الاپات ساياساتىمەن بەتپە بەت كەلگەنىن تۇسىنەدى. بيلىك باسىنا كەلگەن سوڭ ءوز ءدىنىن دە، ءتىلىن دە، ءدىلىن دە ساقتاپ قالۋ ءۇشىن، الەمدىك ارەنادا ۇلى وسمان يمپەرياسىن ساقتاپ قالۋ ءۇشىن ايانباي ەڭبەك ەتەدى. ۋاقىت وتە بيلىكتى دە، بۇقارانى دا باعىندىرا بىلگەن II ءابدۋلل حاميد حان - بۇگىندە باتىس ەۋروپا الەمىنە «قاندى يمپەراتور» لاقاپ اتىمەن تانىمال. وسىنداي اتاققا يە بولۋىنىڭ سىرى نەدە؟ سوڭعى يمپەراتور ارماندارىن ىسكە اسىرۋ ءۇشىن، بيلىكتى ۇرشىقشا ءيىرۋ ءۇشىن قانداي قادامدارعا بارادى؟ الەمنىڭ الپاۋىت مەملەكەتتەرىن مويىنداتىپ، 33 جىل بويى ەل بىرلىگى مەن تاتۋلىعىن مۇدىرمەي ساقتاعان يمپەراتوردىڭ تاعدىرى نەمەن اياقتالادى؟
الەمدىك ساياساتتىڭ نەگىزىندە XIX- ⅩⅩعاسىرداعى حان سارايىنىڭ تىنىس- تىرشىلىگىنە، ونداعى سان ءتۇرلى سىرلار مەن بىتپەيتىن ءازازىل شيەلەنىستەرگە كۋا بولعىڭىز كەلسە - II ءابدۋل حاميد حاننىڭ ءومىرى مەن تۇرىك ەلىنىڭ تاريحى تۋرالى تاريحي درامانى 4 - قاراشادان باستاپ «حابار» تەلەارناسىنان، ساعات 21.40 تا تاماشالاڭىزدار.
«پوسلەدني يمپەراتور» (سوڭعى يمپەراتور) تەلەحيكاياسىنىڭ رەجيسسەرلەرى - ەمرە كونۋك پەن سەردار اكار. باستى رولدەردى - بيۋلەنت ينال، باحادير ەنيسەحيرليوگلۋ، وزلەم دجونكەر، سايگىن سويسال، حاكان بوياۆ، دجان سيپاحي، سەلەن وزتيۋرك، دۋيگۋ گيۋردجان جانە ت. ب. اكتەرلار سومدايدى.