نۇرسۇلتان نازاربايەۆ تۇركىستانداعى قولونەرشىلەر جارمەڭكەسىن تاماشالادى
رەسپۋبليكا دەڭگەيىندە العاش رەت ۇيىمداستىرىلعان شاراعا ەلىمىزبەن قاتار الىس- جاقىن شەتەلدەن قولونەرشىلەر قاتىسۋدا، دەپ حابارلايدى قازاقپارات ءتىلشىسى.
ەلباسى جارمەڭكەگە قويىلعان بۇيىمداردى ارالاپ كورىپ، قولونەرشىلەردىڭ ەڭبەگىنە ءدان ريزا بولدى.
ايتا كەتەيىك، بۇعان دەيىن حابارلاعانىمىزداي، حالىقارالىق دەڭگەيدە ۇيىمداستىرىلعان شاراعا يران، ءۇندىستان، رەسەي فەدەراتسياسى، اۋعانستان، وزبەكستان، تۇركيا، قىرعىز رەسپۋبليكاسى، ازەربايجان، تاجىكستان، باشقۇرتستان، ياكۋتيا ەلدەرىنەن 200 گە جۋىق قولونەرشى قاتىسۋدا. اۋقىمدى شاراعا سونىمەن بىرگە ق ر «قولونەرشىلەر بىرلەستىگى» ، نۇر- سۇلتان قالاسىنان «قادام» ونەر ورتالىعى، «دەشتى ارت» بىرلەستىگى، « ءازىربايجان رەسپۋبليكاسى پرەزيدەنتى جانىنداعى ازاماتتارعا قىزمەت كورسەتۋ جانە الەۋمەتتىك يننوۆاتسيا مەملەكەتتىك اگەنتتىگى جانىنداعى ABAD» قوعامدىق قۇقىقتىق زاڭدى تۇلعاسى مەن قىرعىزستان رەسپۋبليكاسىنىڭ «الاش» قولونەرشىلەر بىرلەستىگى دە ارنايى شاقىرىلعان.
حالىقارالىق جارمەڭكەنىڭ ماقساتى - ۇلتتىق قولونەردى دامىتۋ ارقىلى ۇلى جىبەك جولى بويىنداعى تۇركىستان قالاسىن الەمدىك دەڭگەيدەگى ءىرى ۇلتتىق قولونەر ورتالىعىنا اينالدىرۋ مەن ەتنيكالىق تۋريزمدى وركەندەتۋ.
ءىس- شارا اياسىندا الاشا توقۋدان، كەراميكا، تەرى، تەمىر جانە شىنىدان قولونەر بۇيىمدارىن جاساۋ بويىنشا شەبەرلىك ساباقتارى مەن قازاقتىڭ ۇلتتىق كيىمدەرىنىڭ كورسەتىلىمى بولدى.
