ەلباسى تۇركىستانداعى «كۇلتوبە» قالاشىعىنىڭ جوباسىمەن تانىستى
«تۇركىستانعا ساپار بارىسىندا ەلباسى قالاداعى مادەني- اعارتۋ نىساندارىنىڭ، ءارتۇرلى باقتار مەن ارباتتىڭ قۇرىلىس جوسپارىمەن تانىستى. سونىمەن بىرگە، نۇرسۇلتان نازاربايەۆقا «كۇلتوبە» قالاشىعى ارحەولوگيالىق پاركىن قۇرۋ جوسپارى تانىستىرىلدى» ، - دەپ جازدى تۇڭعىش پرەزيدەنتتىڭ باسپا ءسوز حاتشىسى ايدوس ۇكىباي تwitter پاراقشاسىندا.
ەسكە سالا كەتسەك، بۇعان دەيىن نۇرسۇلتان نازاربايەۆتىڭ تۇركىستانداعى قۇرىلىس جۇمىستارىمەن تانىساتىنىن حابارلاعان بولاتىنبىز.
«تۇركىستان - تۇركى الەمىنىڭ التىن بەسىگى. بىلتىر بۇل شاھارعا جاڭا مارتەبە بەرىلدى. تۇركىستان قالاسى مەن وسى ءوڭىردىڭ دامۋى قاشاندا ەلباسىنىڭ ءجىتى نازارىندا. نۇرسۇلتان نازاربايەۆ بۇگىن جانە ەرتەڭ ەلىمىزدىڭ رۋحاني استاناسىندا قارقىن العان قۇرىلىس جۇمىستارىمەن تانىسۋدى جوسپارلاپ وتىر» ، - دەپ جازدى ايدوس ۇكىباي Twitter پاراقشاسىندا.