حابار ارناسىنان «كەبەنەك» تەلەلەحيكاياسى كورەرمەن نازارىنا ۇسىنىلادى
اۋعان سوعىسىنىڭ اۋىر كۇندەرىن باستان كەشكەن كەيىپكەردىڭ ءومىرىن باياندايتىن «كەبەنەك» سەريالى ەشكىمدى بەي- جاي قالدىرماسى انىق.
تەلەحيكايا باستى كەيىپكەر جاسۇزاقتىڭ اۋعان سوعىسىندا كورگەن قيىندىقتارىمەن باستالادى. جاۋ تىلىن باقىلاۋعا شىققان جاۋىنگەرلەر زۇلمات جارىلىسقا ۇشىرايدى. اينالاسى استان- كەستەن بولعان ۇرىستا جاسۇزاق قاتتى جارالانادى. شالا جانسار جاتقان ونى قۇتقارۋشىلار تىكۇشاققا سىيمايدى دەپ، قۇجاتتارىن الىپ، ءوزىن تاستاپ كەتەدى.
«ويپىراي، جات جەردە قالعانىم با» دەپ ويلاپ ۇلگەرگەنشە، كوككە كوتەرىلگەن تىكۇشاق جارىلىپ، كوز الدىندا كۇل تالقان بولادى.
دينارا شىلدەبايەۆا، ءتۇسىرىلىم توبىنىڭ رەداكتورى:
- بۇل - وتە اۋىر تاقىرىپ، ءبىزدىڭ ءبىر كەيىپكەرىمىزدىڭ ارتىندا مىڭداعان وتباسىنىڭ تاعدىرى جاتىر. ءبىرى مۇگەدەك بولىپ ورالسا، ءبىرى مۇلدە ءوزىنىڭ ەلىنە ورالمادى. سەريالدا جاسۇزاقتىڭ ءبىر وتباسىن كورسەتەمىز، ءبىراق بۇل سول زامانداعى مىڭداعان وتباسىنىڭ تاعدىرى بار. وتە اسەرلى سەريال.
سۇراپىل وقيعادان كەيىن جاسۇزاقتى اسكەري كوميساريات قازا تاپتى دەپ تىركەپ، وتباسىنا قارا قاعاز جىبەرەدى. الايدا اكەسى ۇلىن جاماندىققا قيمايدى. اكە جۇرەگى الداماپتى. ۇزاق ۋاقىت ەمدەلگەن جاسۇزاق جاراقاتى جازىلىپ، ەلگە ورالادى. وق پەن وتتىڭ ورتاسىنان امان قالعان ونى جۇرت «كەبەنەك» دەپ اتاپ كەتەدى.
شىنايى وقيعا نەگىزىندە تۇسىرىلگەن تەلەحيكايا ۇلكەن تاجىريبە مەكتەبى بولدى، دەيدى باستى ءرولدى ويناعان جاس اكتەر مەيىرعات امانگەلدين.
مەيىرعات امانگەلدين، اكتەر:
- وزىمە ۇنايدى. ويناۋعا دا قىزىقتى. ءارى وقيعاسى تەرەڭ. اكتەردى شىڭدايتىن، جاس اكتەر رەتىندە مۇمكىندىكتەر دە جەتەدى. سوندىقتان كوپتەگەن ىزدەنىس تالاپ ەتەدى. جانە اركەز تەرەڭ دايىندىقتى تالاپ ەتەدى ءرول.
تەلەحيكايا الماتى قالاسى مەن وبلىس اۋماعىندا تۇسىرىلگەن. 12 ءبولىمدى «كەبەنەك» تەلەحيكاياسىن 4 - قاراشا كۇنى كەشكى 22.30-دا «حابار» تەلەارناسىنان كورە الاسىزدار.
www.24.kz