وتە شۇعىل. استاناداعى كوپقاباتتى ۇيلەردىڭ بىرىندەگى بالكون ورنىنان «جىلجي» باستادى

نۇر-سۇلتان، قازاقپارات - كوپقاباتتى ۇيلەردىڭ بىرىندەگى تۇرعىندار دابىل قاعۋدا - پاتەرلەردىڭ بىرىندەگى بالكون ورنىنان «جىلجىپ» كەتىپ، ەدەن دىرىلدەگەن، دەپ حابارلايدى قازاقپارات ءتىلشىسى.

«وتە شۇعىل. استاناداعى كوپقاباتتى ۇيلەردىڭ بىرىندەگى بالكون ورنىنان «جىلجي» باستادى. ماعان حابارلاسقان كورشىنىڭ ايتۋىنشا، جوعارى قاباتتا تۇراتىن تۇرعىنداردىڭ ەدەنىندە جارىقتار پايدا بولعان. مەكەنجايىمىز: «وربيتا» تۇرعىن ءۇي كەشەنى، پەتروۆ كوشەسىندەگى 10- ءۇي. قۇرمەتتى جەرگىلىكتى اتقارۋشى ورگاندار، نازار اۋدارۋلارىڭىزدى سۇرايمىن!»، - دەپ جازدى Facebook-تەگى توپتا نايل ريناتوۆيچ دەگەن قولدانۋشى.

ول الەۋمەتتىك جەلىدەگى اتالمىش تۇرعىن ءۇيدىڭ ۆيدەوسى مەن فوتوسۋرەتتەر جاريالاندى. فوتودان بالكوننىڭ پلاستيك تەرەزە قابىرعاسى مايىسا باستاعانىن كورۋگە بولادى.

قالالىق اكىمدىكتىڭ حابارلاۋىنشا، ولار پروبلەماسى بار تۇرعىن ءۇي تۋرالى بىلەدى. قازىرگى ۋاقىتتا ول جاقتا تەحنيكالىق تەكسەرۋ جۇرگىزىلىپ جاتىر، ودان كەيىن ءۇيدىڭ اپاتتىق دەڭگەيى انىقتالادى.