+7 (701) 759 90 19
-4 °С : نۇر-سۇلتان
2 °С : الماتى
USD 387.14 EUR 428.18
RUB 6.06 CNY 55.23
جاڭالىقتار

الماتىدا «قازاق حانىمى» حالىقارالىق بايقاۋىنىڭ جەڭىمپازى انىقتالدى

4 قاراشا 12:59
:ءبولىسۋ
الماتىدا «قازاق حانىمى» حالىقارالىق بايقاۋىنىڭ جەڭىمپازى انىقتالدى

الماتى. قازاقپارات- الماتىدا «قازاق حانىمى» حالىقارالىق بايقاۋىنىڭ جەڭىمپازى انىقتالدى، دەپ حابارلايدى قازاقپارات ءتىلشىسى.

رەسپۋبليكا سارايىنىڭ ساحناسىندا «قازاق حانىمى» بايقاۋىنىڭ جارتىلاي فينالىنان وتكەن 25 حانىم باق سىنادى. ولار قازاقستاننىڭ بارلىق وڭىرلەرى مەن قىتاي، قىرعىزستان جانە موڭعوليا ەلدەرىنەن كەلدى. فينالعا شىققاندار ءوز ونەرلەرىن ورتاعا سالدى. اتاپ ايتساق، حالىق اندەرىن ناقىشىنا كەلتىرىپ ورىندادى، ءبي بيلەدى، مۋزىكالىق اسپاپتاردا وينادى، تەاترلاندىرىلعان كورىنىس قويدى.

ۇمىتكەرلەردىڭ بارلىعى بايقاۋعا تياناقتى دايىندالىپ كەلگەن. ولار بويىنداعى ونەرلەرىن بارىنشا كورسەتۋگە تىرىسىپ باقتى. شارانى ۇيىمداستىرۋشىلار قاتىسۋشىلارعا شەكتەۋ قويمادى. باس جۇلدەگە تىگىلگەن 10 ميلليون تەڭگە مەن ءتاج ءۇشىن كۇرەس شىنايى ءارى ادال ءوتتى.

ءادىلقازىلار القاسى 25 قاتىسۋشىنىڭ ىشىنەن جەڭىمپازدى انىقتاۋ ءۇشىن 10 كەلىنشەكتى تاڭدادى. الدىمەن ولاردىڭ قازاقتىڭ سالت-داستۇرلەرى تۋرالى بىلىمدەرىن تەكسەرىپ، سودان كەيىن جۇلدەگەرلەر مەن جەڭىمپازداردىڭ اتىن اتادى.

سونىمەن، بايقاۋدىڭ قورىتىندىسى بويىنشا 31 جاستاعى ءۇش بالانىڭ اناسى تالدىقورعاندىق مارجان التىبايەۆا ءتاج بەن اقشالاي سىيلىقتىڭ يەگەرى اتاندى.

«مەن ءالى دە جەڭىمپاز ەكەنىمە سەنە الماي تۇرمىن. بۇل ءبىر ءتۇس سياقتى. شىنىمدى ايتسام، مەن مۇنى كۇتپەگەن ەدىم. بۇل وڭاي بولعان جوق مەن بايقاۋعا ۇزاق دايىندالدىم. وتە قۋانىشتىمىن. ۇيىمداستىرۋشىلارعا جانە ماعان قولداۋ كورسەتكەن ادامدارعا راحمەت. جارىس جاقسى ءوتتى. بۇل مەنىڭ جەڭىسىم عانا ەمەس، وتباسىمنىڭ جەڭىسى. بۇل مەن ءۇشىن ۇلكەن جاۋاپكەرشىلىك، بۇل مارتەبەنى ابىرويمەن ورىندايمىن. مەن جەڭىپ العان قوماقتى سومانىڭ ءبارىن قايىرىمدىلىققا جۇمسايمىن. از قامتىلعان وتباسىلارعا تاراتىپ بەرەمىن»، - دەدى جەڭىمپاز مارجان التىبايەۆا.

ءبىرىنشى ورىندى بايان مۇسايەۆ ەنشىلەسە، ەكىنشى ورىن جانار قادىروۆاعا، ءۇشىنشى ورىن گۇلنار جايىققا بۇيىردى. ولار بايقاۋ دەمەۋشىلەرى دايىنداعان اقشالاي جانە باعالى سىيلىقتارىمەن ماراپاتتالدى. جانار قادىروۆا ارنايى جۇلدەنى ونلاين داۋىس بەرۋ ارقىلى جەڭىپ الدى.

قازىلار القاسىنىڭ قۇرامىندا زەينەپ احمەتوۆا، ىرزا تۇرسىنزادا، سەكەن تۇرىسبەكوۆ، كلارا قابىلعازينا، الما امانجولوۆا، داريعا تۇرانقۇلوۆا، ەرجان ايتقالي، باقىتبەك سماعۇلوۆ، ءلاززات سۇلەيمەن سىندى تانىمال تۇلعالار بولدى.

ۇيىمداستىرۋشىلاردىڭ ايتۋىنشا، بۇل سايىستىڭ باستى ماقساتى - قازاقتىڭ حانىمى اتىنا لايىق قازاق ايەلىن انىقتاۋ. ەلىنىڭ دە، ەرىنىڭ دە ابىرويى ءۇشىن بارىن سالىپ جۇرگەن قازاقتىڭ قاراپايىم، كوپ بالالى ايەلدەرىن ناسيحاتتاۋ ءۇشىن قولعا الىنعان جوبا.

جالپى بايقاۋعا قاتىسۋعا ءارتۇرلى جاستاعى 4 مىڭعا جۋىق ايەل ءوتىنىش بەرگەن. ىرىكتەۋ كەزەڭىنەن 25 حانىم ءوتتى.


باستى سوزدەر: مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات