+7 (701) 759 90 19
1 °С : نۇر-سۇلتان
4 °С : الماتى
USD 388.70 EUR 428.70
RUB 6.08 CNY 55.46
جاڭالىقتار

ەڭ جوعارى جالاقىنى قانداي ماماندار جانە وڭىرلەر الادى

4 قاراشا 10:12
:ءبولىسۋ
ەڭ جوعارى جالاقىنى قانداي ماماندار جانە وڭىرلەر الادى

نۇر-سۇلتان. قازاقپارات - بيىلعى جىلدىڭ ءۇشىنشى توقسانىندا قازاقستاندا ءبىر قىزمەتكەردىڭ ورتاشا ايلىق اتاۋلى جالاقىسى 191129 تەڭگەنى قۇرادى.

بۇل تۋرالى ق ر ۇلتتىق ەكونوميكا مينيسترلىگى ستاتيستيكا كوميتەتىنەن ءمالىم ەتتى، دەپ حابارلايدى قازاقپارات.

وتكەن جىلدىڭ سايكەس توقسانىمەن سالىستىرعاندا اتاۋلى جالاقى يندەكسى %118,1، ال ناقتى جالاقى يندەكسى %112,0 قۇرادى.

ستاتيستيكالىق مالىمەتكە سايكەس، سالالىق قۇرىلىمدا ەڭ ۇلكەن جالاقىنى قارجى جانە ساقتاندىرۋ قىزمەتىنىڭ ماماندارى الادى - 484,6 مىڭ تەڭگە. بۇل، ورتاشا رەسپۋبليكالىق دەڭگەيدەن 2,5 ەسەگە كوپ. كەن ءوندىرۋ ونەركاسىبى جانە كارەرلەردى قازۋدا - 418,0 مىڭ تەڭگە (2,2 ەسەگە كوپ)، كاسىبي، عىلىمي جانە تەحنيكالىق قىزمەتتە - 334,1 مىڭ تەڭگە (1,7 ەسەگە كوپ)، قۇرىلىس سالاسىندا 257,7 مىڭ تەڭگە (1,3 ەسەگە كوپ) ەڭبەكاقى بەلگىلەنگەن.

ەڭ تومەنگى اتاۋلى جالاقى ءبىلىم قىزمەتكەرلەرىندە - 122,1 مىڭ تەڭگە. بۇل، رەسپۋبليكا بويىنشا ورتا كورسەتكىشتەن %36,1 تومەن.

وڭىرلىك بولىنىستە ەڭ جوعارى ايلىقتى اتىراۋ وبلىسىنىڭ تۇرعىندارى الادى - 361,5 مىڭ تەڭگە. بۇل، ورتاشا رەسپۋبليكالىق كورسەتكىشتەن شامامەن 1,9 ەسەگە كوپ. تۇركىستان وبلىسىندا ونىڭ كولەمى 122,8 مىڭ تەڭگەنى قۇرادى، بۇل ەل بويىنشا ورتاشا دەڭگەيدەن %35,8 تومەن.

«حالىقارالىق ستاندارتتارعا سايكەس، ءبىر قىزمەتكەردىڭ ورتاشا ايلىق اتاۋلى جالاقىسى قوسىمشا اقىلاردى، ۇستەماقىلاردى، سىياقىلاردى، سونداي-اق سالىقتار مەن باسقا دا ۇستاپ قالىنعان سومالاردى (تابىس سالىعى، مىندەتتى زەينەتاقى جارنالارىن) ەسەپكە الا وتىرىپ قالىپتاستىرىلادى»، - دەدى كوميتەتتەن.


باستى سوزدەر: قوعام, ةكونوميكا,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات