از اقشامەن قىدىرۋعا بولاتىن ەۋروپا قالالارى
ەگەر ءسىز لوندون، پاريج، ريم سەكىلدى قالالاردى تاڭداساڭىز، سولايى سولاي. الايدا بۇل ەۋروپانى تەك قالتالى ازاماتتار عانا كورە الادى دەگەن ءسوز ەمەس.
سپليت
بۇل دۋبروۆنيك قالاسىنىڭ ناعىز كوشىرمەسى، ونىڭ ۇستىنە حورۆاتياداعى قالالاردىڭ كولەمى جونىنەن ەكىنشى ورىندى الادى.
بۇل جەر دە قىزىل شاتىرلى، اق قابىرعالى ۇيلەرگە تولى. شىعاناقتىڭ كورىنىسىن دە تاماشالاي الاسىز. جاعالاۋلارى دا قالادان الىس ەمەس. سپليتتىڭ باستى ماقتانىشى ديوكلەتيان پاتشانىڭ كونەريمدىك سارايى. بۇل باسقا ريم اڭىزدارىنداعى سارايلارعا قاراعاندا وتە جاقسى ساقتالعان. كەز كەلگەن قوناق ۇيدەن ءبىر بولمە جالداۋ كۇنىنە نەبارى $30 قۇرايدى. ال كافەلەردەن تاماقتانۋعا $3-4 جەتكىلىكتى.
ليۋبليانا
بۇل سلوۆەنيا ەلىنىڭ استاناسى تۋريستەردىڭ سۇيىكتى جەرى بولماعانىمەن، كەرەمەتتىگىنەن ايىرىلىپ قالمايدى.
مۇندا تاريحي جەرلەر، اتموسفەراعا تولى مەيرامحانالار، ارحيتەكتۋرالىق ەسكەرتكىشتەر كوپ. اسىرەسە ورتاعاسىرلىق قامالعا نازار سالماي وتە المايسىز، ول باستاپقى قالپىنان ەش بۇزىلماعان. مۇندا اعىلىپ جاتقان تۋريستەر كوپ بولماعاندىقتان، باعا دا اسا قىمبات ەمەس. ليۋبليانادان جاتىن ورىندا $14-15 قاراجاتقا تابۋعا بولادى. ال كافەدەن تۇسكى اس ىشۋگە ورتا ەسەپپەن $5-6 كەتەدى.
پراگا
چەحيانىڭ استاناسى نەگىزىنەن اتاقتى قالالاردىڭ قاتارىندا، الايدا ونىڭ ءبىر عانا كەمشىلىگى ماۋسىمدىق كەزەڭدە تۋريستەردەن اياق الىپ ءجۇرۋ مۇمكىن ەمەس. جىلدىڭ باسقا كەزگىلىندە بارساڭىز، ەمىن-ەركىن دەمالۋعا بولادى. جاتاققا كوپ دەگەندە $20 قاجەت. ال مەيرامحانادان تۇسكى اس ءىشۋ ءۇشىن شامامەن $10-12 بولسا جەتىپ جاتىر.
ليسسابون
پورتۋگاليانىڭ استاناسىن كەز كەلگەن تۋريست بارىپ كورە الادى. بۇل جەردە كوپتەگەن ادەمى قامالداردىڭ، سارايلاردىڭ، تاريحي جەرلەردىڭ بەينەسىن تاماشالاۋعا بولادى.
ۇشاقپەن بارۋ بيلەتى قالتاعا ازداپ سالماق سالۋى ىقتيمال، الايدا جەتىپ العان سوڭ ءجۇرىپ- تۇرۋعا كەتەتىن اقشا اسا كوپ ەمەس. قالادا ارزان قوناق ءۇي، كافە، دۇكەن جەتىپ ارتىلادى. بۇل جەردە قوعامدىق ترانسپورتپەن قىدىرعان قولايلى. ول ءۇشىن جول ءجۇرۋ جۇيەسىنە كىرىپ الساڭىز بولدى.
ليسسابوندا حوستەلگە ورتا ەسەپپەن $8 تولەيسىز، سول $8 تۇسكى اس ىشۋگە دە جەتەدى.
Massaget.kz