رەسەيلىك پورتال گولوۆكيننىڭ «كانەلونى» جەڭگەنى جايلى دالەلدەر كەلتىردى
«بوكسشىلار رەۆانش وتكىزۋ ءۇشىن ءبىراز قيىندىقتاردان ءوتتى. ول مەكسيكالىق بوكسشىنىڭ دوپينگ داۋىمەن بايلانىستى بولدى. «كانەلو» اعزاسىنان كلەنبۋتەرول تابىلىپ، 2018-جىلدىڭ مامىرىنداعى ايقاس كەيىنگە قالدىرىلدى. گەننادي ۋاقىت جوعالتىپ الماس ءۇشىن ۆانەس مارتيروسيانمەن ايقاس وتكىزدى.
جالپى، «كانەلو» مەن GGG ەكىنشى جەكپە-جەگى ءبىرىنشى كەزدەسۋدىڭ جالعاسى بولدى. بوكسشىلار اشىق جانە ساپالى بوكس كورسەتتى، تىنباي جۇمىس ىستەدى. ءبىرىنشى كەزدەسۋمەن سالىستىرعاندا ساۋل ۇستەم بولدى. الايدا، ول كەزدەسۋ بارىسىن باقىلاۋعا الدى دەپ ايتۋعا كەلمەيدى. جەكپە-جەك كەزىندە ەكەۋى دە اۋىر سوققىعا توتەپ بەرە الاتىنىن كورسەتتى. چەمپيوندىق راۋندتاردا قازاقستاندىق باسىم بولىپ كورىندى. ءبىراق، قارسىلاسىن جەڭۋ ءۇشىن بۇل دا جەتكىلىكسىز ەدى. سونداي-اق، تورەشىلەر جەڭىستى ساۋلگە بەردى - 114:114, 115:113 جانە 115:113.
ستاتيستيكاعا قاراساق، تورەشىلەردىڭ اعات شەشىمى تاعى دا كورىنىپ-اق تۇر. بۇل جولى پروتسەنتتىك تۇرعىدان «كانەلو» گەنناديگە قاراعاندا ايتارلىقتاي دالىرەك بولدى. ول سونىمەن بىرگە، قارسىلاسىنا باعىتتالعان سوققىلاردىڭ سانى بويىنشا الشاقتىقتى قىسقارتا الدى. ءبىراق ساندارعا قاراساڭ، جاقسى ناتيجە كورسەتپەگەن - 622 سوققىنىڭ 202 ءسى (%32,5)، گولوۆكيندە 879 سوققىنىڭ 234 ءى (%26,6) ءدال تيگەن. بۇل ساندارعا قاراپ-اق كىمنىڭ جەڭگەنىن كورۋگە بولادى»، - دەپ جازدى پورتال.