جاستارعا جالعا بەرىلەتىن باسپانا: ەلوردانىڭ قاي اۋداندارىنان پاتەر تاراتىلادى

نۇر- سۇلتان. قازاقپارات - نۇر- سۇلتان قالاسى اكىمدىگىنىڭ تۇرعىن ءۇي قورىنىڭ ديرەكتورى نۇرسۇلۋ قوجاحمەتوۆا جاستارعا ساتىپ الۋ قۇقىعىنسىز، جالدامالى پاتەرلەر ەلوردانىڭ قاي اۋداندارىنان بەرىلەتىنىن ايتتى، دەپ حابارلايدى قازاقپارات ءتىلشىسى.

«ءبىزدىڭ باستى شارتتارىمىز قانداي؟ ەڭ الدىمەن، ازاماتتارعا ىڭعايلى بولۋ ءۇشىن وسى باعدارلامانى ەلەكتروندى تۇردە جۇرگىزۋدى ءجون كوردىك. ءوتىنىم Smart Astana پورتالى ارقىلى ەلەكتروندى تۇردە قابىلدانادى. جالدامالى ۇيدەن ءۇمىتتى بولساڭىز Smart Astana پورتالىندا ە س ق ارقىلى ونلاين رەجىمدە ءوتىنىش جىبەرە الاسىز. ءوتىنىش بەرگەننەن كەيىن ءبىز ونى وڭدەيمىز. وڭدەۋ ۋاقىتى بىرنەشە كۇندى الادى. وسىدان كەيىن ءوتىنىم بەرۋدەگى كەمشىلىكتەردى جويۋ ءۇشىن سىزگە ءبىر كۇن بەرەمىز. ەگەر ءسىز تىزىمدە ءبىر نارسەنى ۇمىت قالدىرساڭىز نەمەسە ناقتى مارتەبەڭىزدى، دەرەكتەردى ناقتىلاعىڭىز كەلسە ءار ۇمىتكەرگە قۇجاتتاردى تولىقتىرۋعا ءبىر كۇن بەرەمىز. سونداي- اق، ول دا ەلەكتروندى تارتىپتە جۇرگىزىلەدى»، - دەدى نۇرسۇلۋ قوجاحمەتوۆا ەلوردانىڭ باسپا ءسوز ورتالىعىندا وتكەن بريفينگتە.

ونىڭ ايتۋىنشا، نۇر- سۇلتاندا بيىل بيىل ءبىر جانە ەكى بولمەلى 1050 پاتەر بەرىلەدى (30-70 شارشى مەترگە دەيىن) . قۇرىلىس باسقارماسىنىڭ مالىمەتى بويىنشا، جاستارعا 202 ەكى بولمەلى جانە 848 ءبىر بولمەلى پاتەر تاپسىرىلادى.

نۇرسۇلۋ قوجاحمەتوۆانىڭ ايتۋىنا قاراعاندا، باسپانالار ش. ءۋاليحانوۆ- س. سەيفۋللين كوشەسىنىڭ قيىلىسىندا («ارتەم» س و ماڭايى)، بوگەنباي باتىر مەن ءا. جانگەلدين كوشەلەرىنەن بەرىلەدى. ءبىر بولمەلى پاتەر اۋدانى 30-45 شارشى مەتر بولسا، ەكى بولمەلى 46-70 شارشى مەتر ارالىعىندا. ءبارى دە - جاڭا پاتەرلەر.

«زاڭ بويىنشا ءبىز اياقتالماعان ءۇيدى بەرە المايمىز. جيھازدى جاستاردى وزدەرى ساتىپ الۋى كەرەك»، - دەدى ول.

ايتا كەتسەك، 5-10 - قاراشا ارالىعىندا ەلوردادا جۇمىس ىستەيتىن جاستاردان ساتىپ الۋ قۇقىعىنسىز جالدامالى پاتەر بويىنشا ءوتىنىش قابىلدانادى.