+7 (701) 759 90 19
-7 °С : نۇر-سۇلتان
-1 °С : الماتى
USD 388.81 EUR 429.01
RUB 6.08 CNY 55.49
جاڭالىقتار

بەردىبەك ساپاربايەۆ موڭعوليا عالىمدارىن تاريحي زەرتتەۋلەرگە قاتىسۋعا شاقىردى

31 قازان 16:30
:ءبولىسۋ
بەردىبەك ساپاربايەۆ موڭعوليا عالىمدارىن تاريحي زەرتتەۋلەرگە قاتىسۋعا شاقىردى

نۇر- سۇلتان. قازاقپارات - قازاقستان مەن موڭعوليا عالىمداردى بىرلەسىپ تاريحي زەرتتەۋلەرگە قاتىسۋى كەرەك. بۇل تۋرالى حالىقارالىق تۇركى اكادەمياسىندا التىن وردا مەملەكەتىنىڭ 750 جىلدىعىنا ارنالعان دوڭگەلەك ۇستەل وتىرىسىندا ق ر ۇكىمەت باسشىسىنىڭ ورىنباسارى بەردىبەك ساپاربايەۆ ءمالىم ەتتى، دەپ حابارلايدى قازاقپارات.

ايتا كەتەيىك، بۇل شاراعا مونعوليا پرەمەر- ءمينيسترىنىڭ ورىنباسارى ءولزييسايحانى ەنحتۇۆشين، مەملەكەت جانە قوعام قايراتكەرى مىرزاتاي جولداسبەكوۆ، موڭعوليانىڭ قازاقستانداعى ەلشىلىگى وكىلدەرى، ءبىرقاتار عىلىمي مەكەمەلەردىڭ باسشىلارى، زيالى قاۋىم وكىلدەرى قاتىستى.


«تاريحتى جاقسى بىلەسىزدەر، ءبىزدىڭ بابالارىمىز وسى ۇلى دالادا تۋىن تىگىپ، وردالاردىڭ التىن قازىعىن قاققان. بيىلعى جانە الداعى جىل ءبىزدىڭ قازاق ەلى ءۇشىن ۇلكەن تاريحى ماڭىزدى كەزەڭ بولماقشى. مەملەكەت باسشىسى ءتيستى شەشىم قابىلداپ، ۇكىمەتكە تاپسىرمالار جۇكتەدى. وسى ورايدا التىن وردانىڭ 750 جىلدىعىنا ەرەكشە ەكپىن قويىلعان. اتاپ ايتقاندا، بۇل باعىتتا ءبىرقاتار ءىس- شارالار ۇيىمداستىرىلىپ كەلەدى. ونداعى ماقساتىمىز - ءوزىمىزدىڭ عالىمداردى، مامانداردى، سونداي- اق كورشىلەس ەلدەردىڭ عالىمدارىن ءبىراز اۋقىمدى زەرتتەۋلەرگە تارتۋ، قازبا جۇمىستارىن جۇرگىزۋ، وزگە مەملەكەتتەردە عىلىمي- تاجىريبەلىك كونفەرەنسيا وتكىزۋ. بۇل تۇرعىدا التىن وردا مەملەكەتىنىڭ تاريحىن بارشا دۇنيەجۇزىنە كەڭىنەن تانىتۋ مىندەتى قويىلىپ وتىر»، - دەدى ساپاربايەۆ.


ۇكىمەت باسشىسىنىڭ ورىنباسارى بۇل باعىتتاعى جۇمىستاردا حالىقارالىق تۇركى اكادەمياسىنىڭ ءرولى ەرەكشە ەكەنىن اتاپ ءوتتى.

«بۇل اكادەميانىڭ قۇرىلتايشىلارى رەتىندە ءبىزدىڭ مەملەكەتتەن باسقا وزگە دە ەلدەر ەنىپ وتىر. سونىمەن قاتار، باقىلاۋشى مەملەكەت تە بار. ءبىزدىڭ تاريحىمىز ەجەلدەن ءوزارا بايلانىستا جاتىر، موڭعوليامەن الىس ەمەسپىز. سوندىقتان ەنحتۇۆشين مىرزا، سىزدەردى وسى اكادەمياعا باقىلاۋشى بولۋعا شاقارامىن»، - دەدى ب. ساپاربايەۆ موڭعوليا ۆيتسە- پرەمەرىنە قاراتا ايتقان سوزىندە.

بۇل تۇرعىدا ق ر پرەمەر- ءمينيسترىنىڭ ورىنباسارى التىن وردانىڭ 750 جىلدىعى اياسىندا تۋريزمدى دامىتۋعا ايرىقشا ءمان بەرىلىپ وتىرعاندىعىن اتاپ ءوتتى. وسى شارالار اياسىندا قاجەتتى جۇمىستار باستالىپ كەتتى.

«اتقارىلاتىن جۇمىستارعا موڭعوليا تاراپىنىڭ دا قاتىسۋىن ۇسىنامىز. ويتكەنى تاريحي قۇندىلىقتار، ەسكەرتكىشتەر سىزدەردىڭ ەلدەرىڭىزدىڭ اۋماعىندا كوپتەپ كەزدەسەدى. ءبىزدىڭ عالىمدار موڭعوليانىڭ ماماندارىمەن بىرگە جۇمىس ىستەيتىن بولسا، ءوزىمىزدىڭ تاريحىمىزدى الەمگە كەڭىنەن كورسەتە الامىز»، - دەدى ب. ساپاربايەۆ.

بۇگىنگى شارا بارىسىندا التىن وردا تاريحىنا قاتىستى بىرنەشە كىتاپتىڭ تانىستىرىلىمى ءوتتى. زيالى قاۋىم وكىلدەرى موڭعوليادان ارنايى كەلگەن ءولزييسايحانى ەنحتۇۆشين مىرزاعا شاپان جاۋىپ، قامشى سىيلادى.

ەسكە سالا كەتسەك، 2019 -جىلدىڭ 24 - تامىزىندا وتكەن « ۇلىتاۋ - 2019» حالىقارالىق تۋريستىك فورۋمىنا قاتىسقان مەملەكەت باسشىسى قاسىم- جومارت توقايەۆ التىن وردانىڭ 750 جىلدىعىن مەرەكەلەۋ اياسىندا ءبىرقاتار جۇمىس جاسالۋ كەرەكتىگىن اتاپ وتكەن ەدى.

پرەزيدەنت التىن وردانىڭ نەگىزىن قالاعان جوشى حاننىڭ ەسىمىن ۇلىقتاۋدى مىندەتتى تۇردە قولعا الۋدى ۇسىندى. ونىڭ ايتۋىنشا، جوشىنىڭ مازارى قازاق جەرىندە تۇرعانىن بۇگىندە ەلىمىزدەگى جانە شەتەلدەگى جۇرتشىلىقتىڭ كوبى بىلە بەرمەيدى.

موڭعوليا مەملەكەتى حالىقارالىق تۇركى اكادەمياسىنىڭ جانىندا باقىلاۋشى بولۋ ۇسىنىسىن قاراستىرادى. بۇل تۋرالى ەلوردادا التىن وردا مەملەكەتىنىڭ 750 جىلدىعىنا ارنالعان دوڭگەلەك ۇستەل وتىرىسىندا موڭعوليا پرەمەر- ءمينيسترىنىڭ ورىنباسارى ءولزييسايحانى ەنحتۇۆشين ءمالىم ەتتى.

«قازاقتار مەن موڭعولدار ەجەلدەن تاريحي ساباقتاستىعى ورتاق، ءبىر- بىرىمەن تىعىز بايلانىستا ءومىر ءسۇرىپ كەلگەن كورشى باۋىرلاس حالىقتار. سوندىقتان ءبىزدىڭ قارىم- قاتىناسىمىز وتە تىعىز بولۋى كەرەك دەپ ويلايمىن. جالپى، ءوزارا بايلانىستارىمىز جاقسى قارقىنمەن ءجۇرىپ جاتقانىنا وتە قۋانىشتىمىن. قازاقستاننىڭ جەرىندە شىڭعىس بابامىزدىڭ ۇرپاقتارى ءومىر سۇرگەن، سول كىسىنىڭ ۇلكەن ۇلى جوشى حاننىڭ كۇمبەزى وسى جەردە تۇرعانىن بىلەمىز. سوعان بايلانىستى التىن وردانىڭ 750 جىلدىعىنا وراي اۋقىمدى جۇمىستار اتقارىلىپ، وسى ەسكەرتكىشتى قورعاۋ، تۋريستىك ورتالىققا اينالدىرۋ، الەمگە تانىتۋ، سونداي- اق ءبىزدىڭ ورتاق وركەنيەتىمىزدى ناسيحاتتاۋ باعىتىندا قازاقستاننىڭ ىستەپ جاتقان جۇمىستارىن ءبىزدىڭ مەملەكەتىمىز جان- جاقتى تولىق قولدايدى. قازاقستاننىڭ بۇل باستاماسىنا ءوز باسىم ءسۇيسىنىپ وتىرمىن»، - دەدى ءولزييسايحانى ەنحتۇۆشين حالىقارالىق تۇركى اكادەمياسىندا وتكەن دوڭگەلەك ۇستەل وتىرىسىندا.

سونىمەن قاتار ول 2020 -جىل تونىكوك ەسكەرتكىشىنىڭ 1300 جىلدىعىنا ارنالاتىنىن ەسكە سالدى.

ونىڭ سوزىنە قاراعاندا، موڭعولياداعى قاراقورىمنىڭ 800 جىلدىعىن بىرلەسىپ تويلاۋ، وسى شارالار ارقىلى مادەنيەتتى ناسيحاتتاۋ حالىقتاردىڭ تۋىستىق بايلانىستارىن كۇشەيتە تۇسەدى.

«الداعى جىلدىڭ تامىز ايىندا قاراقورىمنىڭ 800 جىلدىعىن اتاپ وتۋگە جوسپار جاسادىق. بۇل سالادا حالىقارالىق تۇركى اكادەمياسىنىڭ مۇمكىندىگى زور، سەبەبى ءبىر جاعىنان عىلىمي مەكەمە بولسا، ەكىنشى جاعىنان حالىقارالىق ۇيىم مارتەبەسىنە يە. سوندىقتان وسى بەدەلى زور اكادەميامەن بىرلەسە وتىرىپ، بۇل باعىتتاعى شارالاردى قارقىندى جۇرگىزە الامىز دەپ ويلايمىن. حالىقارالىق تۇركى اكادەمياسى 2014 -جىلدان بەرى موڭعوليانىڭ عىلىم اكادەمياسىمەن، ۇلتتىق مۋزەيىمەن، ارحەولوگيا ينستيتۋتىمەن، ارحيۆ باسقارماسىمەن مەموراندۋم ورناتىپ، جاقسى جۇمىستار اتقارعانىنا ريزاشىلىعىمىزدى بىلدىرەمىز»، - دەپ اتاپ ءوتتى موڭعوليا پرەمەر- ءمينيسترىنىڭ ورىنباسارى.

وسى ورايدا ول موڭعوليا اۋماعىندا قازاقستان عالىمدارى تاراپىنان جۇرگىزىلەتىن زەرتتەۋلەرگە قولداۋ جاسالىپ كەلگەنىن ايتتى.

سونداي- اق، ق ر ۇكىمەت باسشىسىنىڭ ورىنباسارى بەردىبەك ساپاربايەۆتىڭ حالىقارالىق تۇركى اكادەمياسىنا موڭعوليانىڭ باقىلاۋشى بولۋىنا جاساعان ۇسىنىسىنا ءوز پىكىرىن ءبىلدىردى.

«موڭعوليانى باقىلاۋشى ەتۋ تۋرالى ۇسىنىسقا وراي ارنايى كوميسسيا توبىن جاساقتاپ، ەلىمىزدىڭ زاڭناماسى اياسىندا ءتيىستى شەشىم جاسايتىن بولامىز. جالپى، عالىمدارىمىزدىڭ ەڭبەكتەرى تەرەڭ ماعىنالى بولسىن، بۇل زەرتتەۋلەر ەلدەرىمىز ءۇشىن ولجالى بولسىن دەپ تىلەيمىن»، - دەدى ءولزييسايحانى ەنحتۇۆشين.

اۆتور رۋسلان عابباسوۆ


باستى سوزدەر: سئرتقئ ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات