قۋات حاميتوۆ وكتاگونعا ورالدى

نۇر- سۇلتان. قازاقپارات - ارالاس جەكپە- جەك شەبەرى قازاقستاندىق قۋات حاميتوۆتىڭ كەلەسى جەكپە- جەگى وكتاگونعا ورالاتىنىن جاريا ەتتى، دەپ حابارلايدى قازاقپارات ءتىلشىسى.

« 14- جەلتوقسان. سوچي. قۋات حاميتوۆ (20-6) vs رۋسلان تەدەيەۆ (12-2) » ، - دەپ جازدى قازاقستاندىق سپورتشى Instagram داعى پاراقشاسىندا.

ايتا كەتسەك، رەسەيلىك رۋسلان تەدەيەۆ كاسىپقوي كارەراسىن 2016 - جىلى باستاعان. وسى ۋاقىتقا دەيىن GT، ICFC، Union of Mixed Martial Arts تۋرنيرلەرىنە قاتىسىپ، بىرنەشە مارتە جەڭىسكە جەتكەن. كحاس- ماگومەد ىۋسۋپوۆ، ەكپەر گادجيكپەروۆ، ەدريان گرەچ قاتارلى فايتەرلەرگە قارسى ايقاس وتكىزگەن.

ايتا كەتسەك، قۋات حاميتوۆتىڭ سوڭعى جەكپە- جەگىن 2019 - جىلدىڭ باسىندا ازەربايجاندىق ناريمان ابباسوۆپەن وتكىزىپ، تورەشىلەردىڭ شەشىمىمەن جەڭىلگەن بولاتىن. ونىڭ الدىندا 2017 - جىلى يرلاندىق پيتەر كۋيلليمەن (10-4-1) وتكىزگەن ەدى. ول جولى تورەشىلەردىڭ باسىم داۋسىمەن جەڭىسكە جەتكەنىمەن، كۋليلليدىڭ كومانداسى اپەللياتسياعا بەرىپ، تاۋەلسىز كوميستسيا ۇپاي سانىن قايتا ەسەپتەپ، ايقاستى تەڭ ءوتتى دەپ وزگەرتتى.