اسقار مامين نيدەرلاندى پرەمەر-مينيسترىمەن كەزدەستى

نۇر-سۇلتان. قازاقپارات – ق ر پرەمەر-ءمينيسترى اسقار مامين گااگا قالاسىنا رەسمي ساپارى اياسىندا نيدەرلاندى پرەمەر-ءمينيسترى مارك ريۋتتەمەن كەلىسسوزدەر جۇرگىزدى.
بۇل تۋرالى قازاقپارات primeminister.kz سىلەمە جاساپ حابارلايدى.
م. ريۋتتەمەن كەزدەسۋ بارىسىندا ساۋدا-ەكونوميكالىق جانە ينۆەستيتسيالىق ىنتىماقتاستىقتى، ەنەرگەتيكا، قارجى، كولىك-لوگيستيكا، اۋىل شارۋاشىلىعى، ا ت، عىلىمي سالالارداعى ءوزارا ءىس-قيمىلدى ودان ءارى كەڭەيتۋ پەرسپەكتيۆالارى تالقىلاندى.
«ق ر تۇڭعىش پرەزيدەنتى نۇرسۇلتان نازاربايەۆ قازاقستاننىڭ نيدەرلاندىمەن تۇراقتى سەرىكتەستىك ءوزارا قارىم-قاتىناستارىنىڭ نەگىزىن سالدى. مەملەكەت باسشىسى قاسىم-جومارت توقايەۆ بەيبىتشىلىكتى جاقتاۋشى كوپۆەكتورلى سىرتقى ساياساتتىڭ ساباقتاستىعىن ساقتايدى جانە ەكىجاقتى ىنتىماقتاستىقتى نىعايتۋعا ەرەكشە كوڭىل بولەدى»، — دەدى ا. مامين.
نيدەرلاندى — قازاقستاننىڭ ەۋروپاداعى نەگىزگى ساۋدا-ەكونوميكالىق جانە ينۆەستيتسيالىق سەرىكتەستەرىنىڭ ءبىرى. تاۋەلسىزدىك جىلدارى نيدەرلاندىدان قازاقستانعا تىكەلەي ينۆەستيتسيالاردىڭ جالپى اعىمى $92 ميللياردتان استى. ق ر- دا نيدەرلاندى كاپيتالىنىڭ قاتىسۋىمەن 900 دەن استام كاسىپورىن جۇمىس ىستەيدى. 2018-جىلدىڭ قورىتىندىسى بويىنشا ەكىجاقتى تاۋار اينالىمى $6,5 ميللياردتى قۇرادى.
ءوز كەزەگىندە، م. ريۋتتە قازاقستان پرەمەر ءمينيسترىنىڭ نيدەرلاندىعا رەسمي ساپارى ەكىجاقتى ىنتىماقتاستىقتى ودان ءارى دامىتۋعا ەلەۋلى سەرپىن بەرەتىنىنە سەنىم ءبىلدىردى.
- بەيجىڭدە قۇرمانعازى اتىنداعى وركەستر كونسەرت بەردى
- قاسىم-جومارت توقايەۆ گەرمانيانىڭ بيزنەس وكىلدەرىمەن كەزدەستى
- ماسكەۋدە قازاقستاننىڭ تاۋەلسىزدىك كۇنىنە وراي سالتاناتتى شارا ءوتتى
- قاسىم-جومارت توقايەۆ «نەمەتسكايا ۆولنا» تەلەراديوكومپانياسىنا سۇحبات بەردى
-
قاسىم-جومارت توقايەۆ: شۆەيتساريا - قازاقستاننىڭ نەگىزگى ساۋدا سەرىكتەستەرىنىڭ ءبىرى
-
شىمكەنتتىك دارىگەرلەر وزبەكستاندىق ارىپتەستەرىمەن تاجىريبە الماسادى


