تابىستى ادامداردىڭ ۇستانىمدارى

نۇر-سۇلتان. قازاقپارات – تابىسقا جەتكەن ادامدار قالاي ءومىر سۇرەدى؟

1. ەرتە تۇرۋ

بارلىق تابىستى ادام ەرتە تۇرۋعا داعدىلانعان. قالا ۇيىقتاپ جاتقاندا كۇنمەن جارىسىپ ويانۋ - جاقسى ادەتتىڭ ءبىرى. ءسىز دە ەرتەرەك ويانۋعا تىرىسىڭىز.

«ەرتە تۇرعان ايەلدىڭ ءبىر ءىسى ارتىق» دەمەكشى، تۇرا سالىسىمەن ءبىراز ءىستى ءبىتىرىپ ۇلگەرەسىز. ءبىر ايدان سوڭ ەرتە تۇرۋ ادەتكە اينالىپ، ەش قيىندىقسىز وياناتىن بولاسىز.

2. كىتاپ وقۋ

اراسىندا الەۋمەتتىك جەلىدەن اجىراپ، ءبىر ساعاتتى كىتاپ وقۋعا ءبولىڭىز. ءبىر اپتادا ءبىر كىتاپتى وقىپ بىتىرسەڭىز، ءبىر ايدا 4 كىتاپتى وقيسىز. جارتى جىلدا ءوز ورتاڭىزداعى اقىلدى ادامنىڭ ءبىرى بولاسىز. وي- ءورىسىڭىز كەڭەيىپ، كوپتەگەن سۇراعىڭىزعا جاۋاپ تاباسىز.

3. جەڭىلدەتۋ

بارلىق ماسەلەنى جەڭىلدەتۋگە تىرىسىڭىز. تۇيەدەي ماسەلەنى تۇيمەدەي ەتىپ كورۋگە تىرىسىڭىز. سوندا جۇيكەڭىز دە قالپىندا، ساناڭىز دا اشىق، ويىڭىز دا تازا بولادى. سارى ۋايىمعا سالىنىپ، بولماشى نارسەلەرگە بولا كوڭىل-كۇيىڭىزدى ءتۇسىرۋدىڭ ەش ءمانى جوق.

4. باياۋلاۋ

قاربالاسقا تۇسپەي، اراسىندا باياۋلاپ، توقتاپ، دەم الۋعا داعدىلانىڭىز. جاڭا زاماننىڭ تالابى - شاپشاڭدىق. دەگەنمەن، ارا- اراسىندا قوزعالىستى باسەڭدەتىپ، ىشكى داۋىسىڭىزعا قۇلاق ءتۇرىپ، دۇرىس جولدى تاڭداي ءبىلۋ كەرەك. سوندا عانا ءسىز جاڭىلىسپايسىز. جوعارىدا اتاپ كەتكەن ەرتە تۇرۋ ادەتىن ۇستانىپ، تاڭەرتەڭ مەديتاتسيا جاساۋىڭىزعا بولادى.

5. جاتتىعۋ

فيزيكالىق بەلسەندىلىك دەنساۋلىقتى نىعايتادى. «ۋاقىتىم جوق، قاراجات جوق» دەگەن سوزدەر - سىلتاۋ. ۋاقىت ىزدەگەن ادامعا تابىلادى، ال قارجى قاجەت تە ەمەس. سەبەبى سپورتپەن ارنايى زالدا عانا ەمەس، ۇيدە دە، اۋلادا دا شۇعىلدانۋعا بولادى. بارلىعى ءوز قالاۋىڭىزعا بايلانىستى.

دەرەككوز: Reactor