سانكت-پەتەربۋرگ ماماندارى ۇلتتىق مۋزەيدە بىلىكتىلىك ارتتىرۋ كۋرسىن وتكىزدى

None
None
نۇر-سۇلتان. قازاقپارات - قازاقستان رەسپۋبليكاسىنىڭ ۇلتتىق مۋزەيىندە سانكت-پەتەربۋرگ مەملەكەتتىك مادەنيەت ينستيتۋتىنىڭ وقىتۋشىلارى قازاقستاندىق ماماندارعا ارناپ بىلىكتىلىك ارتتىرۋ كۋرستارىن وتكىزدى، دەپ حابارلايدى قازاقپارات ءتىلشىسى.

كۋرسقا لەكتور رەتىندە شاقىرىلعان پەداگوگيكا عىلىمدارىنىڭ كانديداتى، دوتسەنت ليۋدميلا شلياحتينا مەن ينستيتۋتتىڭ اعا وقىتۋشىسى ناتاليا گارشينا قازاقستان مۋزەيلەرىنىڭ ەكسكۋرسوۆود ماماندارى مەن گيدتەرىنە جانە تۋريزم سالاسىنداعى وزگە دە ماماندارعا ارناپ ءدارىس وتكىزىپ، شەبەرلىك ساباقتارىن ۇيىمداستىردى.

قاتىسۋشىلار ءۇش كۇن قاتارىنان مۋزەولوگيا نەگىزدەرى، مۋزەي پەداگوگيكاسى، ەكسكۋرسيانىڭ تەورياسى مەن پراكتيكاسى تۋرالى مول ماعلۇماتتار الدى.

«بىلىكتىلىك ارتتىرۋ كۋرسى كەزىندە ماماندار قالا كەڭىستىگىندە ەكسكۋرسيا جۇرگىزۋ ادىستەرىمەن، ىشكى جانە سىرتقى تۋريزم مەنەدجمەنتىنىڭ ەرەكشەلىكتەرىمەن جانە گيد- اۋدارماشىلاردىڭ جۇمىسىنا قويىلاتىن جاڭا تالاپتارمەن تانىستى»، - دەدى وتاندىق تۋريزيم كومپانياسىنىڭ وكىلى سالتانات ءابجانوۆا.

جاڭا يدەيالارعا، تىڭ باستامالارعا تولى بولعان بىلىكتىلىك ارتتىرۋ كۋرسىن الداعى ۋاقىتتا ەلىمىزدىڭ وزگە وڭىرلەرىندە دە ۇيىمداستىرۋ جوسپارلانعان.

«سانكت-پەتەربۋرگتىڭ ماماندارى وتكىزگەن بىلىكتىلىك ارتتىرۋ كۋرسى كوڭىلىمىزدەن شىقتى. تۋريزم سالاسىنداعى جۇمىسىمىزعا جاڭا يدەيالار بەردى. مەنىڭ ويىمشا مۇنداي شارالار ءجيى ۇيىمداستىرىلۋى قاجەت. الداعى ۋاقىتتا شىعىس قازاقستان وبلىسىندا وسى مامانداردىڭ قاتىسۋىمەن ەكسكۋرسوۆودتار مەن گيدتەرگە ارناپ، ارنايى بىلىكتتىلىك ارتتىرۋ كۋرسىن ۇيىمداستىرۋدى جوسپارلاپ وتىرمىز. مامانداردىڭ ءوزارا وسىلاي تاجىريبە الماسىپ، ارىپتەستىك اياسىن كەڭەيتە بەرگەنىن ءوز باسىم قولدايمىن»، - دەيدى ش ق و تۋريستىك اقپاراتتىق ورتالىعى مەملەكەتتىك كوممۋنالدىق مەكەمەسىنىڭ ديرەكتورى سىمبات رامازانوۆ.

ايتا وتەيىك، قازاقستاندىق ماماندارعا بىلىكتىلىك ارتتىرۋ كۋرستارىن وتكىزۋ وتاندىق مۋزەيلەردىڭ سۇراۋى بويىنشا الداعى ۋاقىتتا ءجيى وتكىزىلىپ، شەتەلدىك مۋزەي ءىسىنىڭ مايتالمان ماماندارىمەن بايلانىس نىعايا تۇسپەك.

سوڭعى جاڭالىقتار