+7 (701) 759 90 19
-9 °С : نۇر-سۇلتان
-1 °С : الماتى
USD 377.19 EUR 408.99
RUB 5.93 CNY 54.02
جاڭالىقتار

كۇيەۋىنىڭ تەگىن ەنشىلەۋ دۇرىس پا؟

30 قازان 12:28
:ءبولىسۋ
كۇيەۋىنىڭ تەگىن ەنشىلەۋ دۇرىس پا؟

نۇر-سۇلتان. قازاقپارات – ​قازىرگى تاڭدا نەكە تويىنان كەيىن ءوز تەگىندە قالاتىن نەمەسە كۇيەۋىنىڭ تەگىن الاتىندار بار.

الايدا مەنىڭ قۇربىلارىمنىڭ باسىم كوپشىلىگى تەگىن اۋىستىرۋدى ماقۇلدامايدى. ونىڭ ءبىر سەبەبى، قۇجاتتاردى اۋىستىرۋداعى قيىندىق دەسە، ەكىنشىسى اركىم ءوزىنىڭ اتا-تەگىندە قالعانى ورىندى دەيدى. كەرىسىنشە، ءبىر تەكتى يەمدەنۋ - ەر مەن ايەلدى ءبىر-بىرىنە جاقىنداستىرا تۇسەدى دەيتىندەر دە تابىلدى.

بەرىك سۇلەيمەنوۆ، اۋداندىق «جانقوجا باتىر» مەشىتىنىڭ باس يمامى:

- ايەل ادام تۇرمىس قۇرعان سوڭ كۇيەۋىنىڭ تەگىنە ءوتۋدىڭ دۇرىس، بۇرىستىعىنا بايلانىستى ەكى ءتۇرلى پىكىر بار.

ءبىرىنشى: «ايەل ادام ەرىنىڭ تەگىنە ءوتۋى كۇنا. ويتكەنى، ءوزىن وزگەنىڭ ۇرپاعىنان ساناۋدى تىيعان پايعامبار سوزدەرى بار. پايعامبارىمىز (س. ا. ۋ) اسىل ءسوزىنىڭ بىرىندە: «كىمدە- كىم ءوزىن ءوز اكەسىنە ەمەس، وزگەگە قاتىستى ەتسە، اللانى، پەرىشتەلەردىڭ جانە بۇكىل ادامداردىڭ لاعىنەتى سوعان بولسىن»، - دەگەن. سونىمەن قوسا «بۇل مۇسىلمان قوعامىنا جات وزگە دىندەگىلەرلىڭ ءۇردىسى»، - دەگەن پىكىردە.

ەكىنشى: ايەل ءوز ەرىنىڭ تەگىن الۋىنا رۇقسات. ويتكەنى قۇران اياتتارىندا «نۇحتىڭ ايەلى جانە لۋتتىڭ ايەلى...»، - دەگەن سياقتى اياتتار قايدا تۇرمىسقا شىققانىن تانىتىپ، ءبىلدىرىپ تۇر. قازىرگى تاڭداعى ءوز ەرىنىڭ تەگىمەن جازىلۋ ۇلگىسى دە تانىتۋ ماقساتىندا جاسالعاندىقتان شاريعاتقا تەرىس ەمەس.

ەكى پىكىردى قورىتا كەلە ايتارىم، ايەل كىسى ءوز ەرىنىڭ تەگىن الۋ مىندەتتى ەمەس، كۇيەۋى ونى ماجىبۇرلەي المايدى. ال ءبىزدىڭ ەلدە ەرىنىڭ تەگىن العان ايەل اكەسىنىڭ اتىن ەمەس، تەك تەگىن وزگەرتۋمەن شەكتەلگەندىكتەن كۇنا ەمەس دەسەك قاتەلەسپەيمىز. دۇرىسىن اللا بىلەدى.

دەرەككوز: qazaly.kz


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات