21:09, 29 - قازان 2019 | GMT +6
قازاقستان مەن رەسەيدە بەنزين باعاسى قاشان تەڭەسەدى - بوزىمبايەۆ جاۋابى
نۇر- سۇلتان. قازاقپارات - قازاقستان مەن رەسەيدىڭ جانار- جاعارماي باعاسىن تەڭەستىرۋ ماسەلەسى بىرتىندەپ جۇزەگە اسىرىلاتىن بولادى. بۇل جايىندا ۇكىمەت وتىرىسىنان كەيىن ب ا ق وكىلدەرىنىڭ ساۋالىنا جاۋاپ بەرگەن ق ر ەنەرگەتيكا ءمينيسترى قانات بوزىمبايەۆ ايتتى،
دەپ حابارلايدى قازاقپارات ءتىلشىسى.
«رەسەيمەن باعانى تەڭەستىرۋ ماسەلەسى ءبىر كۇننىڭ شارۋاسى ەمەس. ءبىز بۇعان دەيىن ءبىرىڭعاي نارىققا ەنۋ تۋرالى كەلىسىمگە قول قويعان ەدىك. بۇل نارىققا رەسەي، قىرعىزستان، ارمەنيا، بەلارۋس سىندى ەلدەر كىرەدى. دەگەنمەن، بۇل 2025 -جىلى ورىن الادى»، - دەدى مينيستر.
قانات بوزىمبايەۆ قازاقستان مەن رەسەيدە بەنزين باعاسىنىڭ بىردەي بولاتىندىعى تۋرالى ايتۋعا ءالى ەرتە ەكەندىگىن ەسكەرتتى.
«ويتكەنى، باعانى تەڭەستىرۋ ماسەلەسىن دۇرىس ءتۇسىنۋ قاجەت. بۇل بىرتىندەپ جۇزەگە اسىرىلادى. بۇل ءبىر كۇننىڭ، ءبىر ايدىڭ، ءتىپتى ءبىر جىلدىڭ ىشىندە شەشىلە سالاتىن ماسەلە ەمەستىگىن ءتۇسىنۋ ماڭىزدى»، - دەدى ول.
اۆتور: مارلان جيەمباي