قازاقستاندا قۇراستىرىلعان تىكۇشاق ەكسپورتقا شىقتى
اۋە تەحنيكاسىنىڭ ءدال وسى ءتۇرى تاجىكستاندا بۇرىن بولماعان. بۇگىن تىكۇشاقتى تاجىك اعايىندارعا سالتاناتتى تۇردە تاپسىرۋ ءراسىمى ءوتتى.
Airbus Н-125 تىكۇشاعىنىڭ سالونىنان جان- جاقتى كورۋ مۇمكىندىگى جوعارى. جانە اسپاندا بولاتىن تەربەلۋدى دە كوپ سەزىنبەيسىز. اۋەتەحنيكاسىن بيىك تاۋدىڭ باسىنا قوندىرۋعا بولادى. ىستىق كليماتقا دا قولايلى. امبەباپ تەحنيكامەن ادامداردى قۇتقارۋعا جانە ءورت سوندىرۋگە بولادى.
سۋحروب دجۋرايەۆ، «Somon air» كومپانياسى باس ديرەكتورىنىڭ ءبىرىنشى ورىنباسارى:
- Airbus تىكۇشاعىن العانىمىزعا قۋانىپ تۇرمىز. بۇل اۋەتەحنيكاسى ءبىزدىڭ ەلدەگى تۋريزمنىڭ دامۋىنا سەپتىگىن تيگىزەدى. ونىڭ ساپاسى مەن قاۋىپسىزدىگىنە سەنىمدىمىز. ۇزاق ۋاقىت زەرتتەپ، تەكسەرىپ كوردىك. ايماقتىق ۇشۋلاردى دامىتامىز.
بۇل - تاجىكستانمەن ارىپتەستىكتىڭ باسى عانا. ءساۋىر ايىنان باستاپ، تاجىك ەلىندە «KazakhExport» كومپانياسىنىڭ وكىلدىگى جۇمىس ىستەيدى. كومپانيا اراداعى كەلىسىمدى قارجىلاندىردى.
رۋسلان ىسقاقوۆ، «Azakhexport эск» باسقارما ءتوراعاسى:
- اۆياكومپانيا بۇل تىكۇشاقتى ساتىپ الۋ ءۇشىن 5 جىلعا نەسيە الدى. وسى تەحنيكانى پايدالانۋ كەزىندە تۇسەتىن قارجى ارقىلى 5 جىلدىڭ ىشىندە نەسيە قارىزىن وتەيتىن بولادى.
تىكۇشاقتى قۇراستىرۋدى بىرلەسكەن كومپانيالار ىسكە اسىرادى.
ياعني، ЕС 145, Н125, Н130 تىكۇشاقتارىن ساتۋ، قۇراستىرۋ جانە قىزمەت كورسەتۋ بويىنشا ت م د مەن ورتا ازيادا بالاماسى جوق.
قۋانىش ءبيشىموۆ، «قازاقستان ينجينەرينگ» ۇ ك» ا ق باسقارما ءتوراعاسى:
- تاجىكستانمەن ءالى 5-10 تىكۇشاق ساتىپ الۋ جونىندەگى كەلىسسوزدەر جۇرگىزۋدى جوسپارلاپ وتىرمىز. قىرعىز ەلىنە جەتكىزەمىز. سونداي- اق، بورتتارعا جوندەۋ جۇرگىزۋدىڭ ەكسپورتتىق قىزمەتىن ۇسىنامىز. ول رەسەي ەلىندە ورنالاسقان. موڭعوليا ەلىمەن ورتاق تاجىربيە بار. زاۋىت ىسكە قوسىلعالى 30 دان استام تىكۇشاق قۇراستىرىلدى. قازىر ەكسپورتتىڭ الەۋەتىن ارتتىرۋ جۇمىستارى ءجۇرىپ جاتىر.