ەلوردادا تۋريستىك ىقشام اۋدان پايدا بولادى

نۇر- سۇلتان. قازاقپارات - نۇر- سۇلتان قالاسىنىڭ اكىمى التاي كولگىنوۆ پەن «ەllington Properties Development LLC» كومپانياسىنىڭ ديرەكتورلار كەڭەسىنىڭ ءتوراعاسى دجوزەف توماس ەلورداداعى كوپ فۋنكتسيونالدى تۋريستىك اۋداننىڭ قۇرىلىسىن تالقىلادى، دەپ حابارلايدى قازاقپارات قالا اكىمىنىڭ رەسمي سايتىنا سىلتەمە جاساپ.

كەزدەسۋ «استانا» حالىقارالىق قارجى ورتالىعىنىڭ الاڭىندا ءوتتى، كومپانيا ا ح ق و- دا تىركەلگەن.

ەلوردانى ودان ءارى دامىتۋ جونىندەگى كەڭەستە مەملەكەت باسشىسى جەكە ينۆەستيتسيالاردى تارتۋدىڭ ماڭىزدىلىعىن اتاپ ءوتتى. اۋماقتا دەمالىس ورتالىقتارىن، جىلدىڭ كەز كەلگەن ماۋسىمىندا جۇمىس ىستەيتىن ويىن - ساۋىق ورتالىقتارىن، تۋريزم نىساندارى مەن قوناق ۇيلەردى ورنالاستىرۋ جوسپارلانۋدا. دەمەك، قالادا تۋريستىك ورام پايدا بولادى.

تارتىلاتىن ينۆەستيتسيا كولەمى 1 ميلليارد دوللاردان اسادى. ىسكە اسىرۋ مەرزىمى- 5-6  جىل. كومپانيا نارىقتا 5  جىل جۇمىس ىستەيدى جانە دۋباي قالاسىندا (ب ا ا ء) جىلجىمايتىن مۇلىك سالاسىنداعى جەتەكشى كومپانيالاردىڭ ءبىرى بولىپ تابىلادى. سونداي- اق، اتالمىش جوبالاردى جۇزەگە اسىرۋدا ۇلكەن تاجىريبەسى بار.