+7 (701) 759 90 19
1 °С : نۇر-سۇلتان
6 °С : الماتى
USD 388.70 EUR 428.70
RUB 6.08 CNY 55.46
جاڭالىقتار

قازاقستاندا قۇجاتتاردى راسىمدەۋ تارتىپتەرى جەڭىلدەيدى

29 قازان 13:34
:ءبولىسۋ
قازاقستاندا قۇجاتتاردى راسىمدەۋ تارتىپتەرى جەڭىلدەيدى

نۇر-سۇلتان. قازاقپارات - سەناتتا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك قىزمەتتەر كورسەتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى قارالدى، دەپ حابارلايدى قازاقپارات ءتىلشىسى.

ايتا كەتەيىك، اتالعان زاڭ جوباسىنا دەپۋتاتتار توبى باستاماشى بولدى. ءماجىلىس دەپۋتاتى مايرا ايسينانىڭ سوزىنە قاراعاندا، بۇگىندە مەملەكەتتىك قىزمەتتەر «ءبىر تەرەزە» قاعيداتى بويىنشا كورسەتىلسە، ەندى «ءبىر ءوتىنىش» قاعيداتىن ەسكەرۋ قاراستىرىلىپ وتىر.

بۇل تۇرعىدا زەينەتاقى قۇجاتتارىن راسىمدەۋدە وزگەرىستەر ەنگىزۋ قاراستىرىلۋدا. «بۇگىنگى تاڭدا زەينەتاقىعا بايلانىستى راسىمدىك شارالارعا ادامدار ءتيىستى مەكەمەلەرگە بىرنەشە رەت بارۋعا ءتيىس ەدى. ەندى تەك ءبىر وتىنىشپەن عانا بارلىق راسىمدەر ىسكە اسىرىلادى، وسى ورايدا قۇجاتتار پاكەتىن جيناۋ قاجەتتىگى بولمايدى»، - دەدى دەپۋتات پارلامەنت سەناتى ەكونوميكالىق ساياسات، يننوۆاتسيالىق دامۋ جانە كاسىپكەرلىك كوميتەتىنىڭ كەڭەيتىلگەن وتىرىسىندا.

مايرا ايسينانىڭ ايتۋىنشا، زاڭ جوباسى ارقىلى قۇرامىنا 55 كورسەتىلەتىن قىزمەت بىرىكتىرىلەتىن وسىنداي 21 كومپوزيتتىك قىزمەتتى ەنگىزۋ كوزدەلىپ وتىر. كومپوزيت ناقتى ومىرلىك جاعداي تۋىنداعان كەزدە ادامنىڭ ءبىر ءوتىنىش ارقىلى بىرنەشە ءوزارا بايلانىستى قىزمەتتەردى الۋىنا مۇمكىندىك بەرەدى.

زاڭ جوباسىندا مەملەكەتتىك ورگانداردىڭ شەشىمى بويىنشا، ونىڭ ىشىندە ەلدى مەكەندەردىڭ اتاۋى، كوشەلەردىڭ اتاۋى، سونداي- اق عيماراتتار مەن وزگە دە قۇرىلىستاردىڭ رەتتىك ءنومىرى وزگەرگەن كەزدە، جىلجىمايتىن مۇلىكتىڭ سايكەستەندىرۋ سيپاتتامالارىنا وزگەرىستەردى تىركەۋدىڭ اقپاراتتىق جۇيەلەرىن ينتەگراتسيالاۋ ارقىلى اۆتوماتتى تۇردە جۇزەگە اسىرىلاتىنى كوزدەلگەن.

ءماجىلىس دەپۋتاتى زاڭ جوباسىنىڭ تاعى ءبىر نەگىزگى تۇستارىنا توقتالا كەلە، بيزنەسكە بايلانىستى قولايلى جاعداي جاساۋ ەسكەرىلگەنىن اتاپ ءوتتى. بۇل تۇرعىدا ورتا جانە ءىرى كاسىپكەرلىك سۋبەكتىلەرىن تىركەۋدى تولىعىمەن ەلەكتروندىق فورماتقا كوشىرۋ ءارى قۇجاتتار تىزبەسىن وڭتايلاندىرۋ كوزدەلەدى. ناتيجەسىندە، جەكە كاسىپكەرلىكتى تىركەۋ ەلەكتروندىق ءوتىنىش بەرىلگەن كەزدەن باستاپ قازىرگىدەي ءبىر كۇن ەمەس، ءبىر ساعاتتىڭ ىشىندە جۇزەگە اسىرىلاتىن بولادى.

اۆتور: رۋسلان عابباسوۆ


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات