مىزعىماس باۋىرلاستىق: قازاقستاندىق اسكەريلەر تاجىكستاندا وقۋ-جاتتىعۋدا ءجۇر
بۇگىن ۇ ق ش ۇ ۇجىمدىق بىتىمگەرشىلىك كۇشتەرىنىڭ ارمەنيا، بەلارۋس، قازاقستان، قىرعىزستان، رەسەي جانە تاجىكستاننىڭ اسكەري كونتينگەنتتەرى قاتىساتىن ەكىنشى كەزەڭ باستالادى، دەپ حابارلايدى قازاقپارات قورعانىس مينيسترلىگىنىڭ باسپا ءسوز قىزمەتىنە سىلتەمە جاساپ.
اسكەري قىزمەتشىلەر تاجىكستانداعى ۇ ق ش ۇ ەلدەرىنىڭ «مىزعىماس باۋىرلاستىق-2019» وقۋ-جاتتىعۋلارىنا قاتىسادى.
قازاقستاننان قۇرلىق اسكەرلەرىنىڭ بولىمشەلەرى، سونىڭ ىشىندە بىتىمگەرشىلىك روتاسى، ا ق ك اسكەري-اۋە كۇشتەرىنىڭ بارلىعى 73 اسكەري قىزمەتشىسى، سونداي-اق ورنالاسۋ اۋەايلاقتارىنان وقۋ-جاۋىنگەرلىك مىندەتتەردى ورىندايتىن سۋ-30 س م جويعىش زۆەنوسى قاتىسادى.
وقۋ-جاتتىعۋدىڭ سەناريى بويىنشا ۇ ق ش ۇ ۇجىمدىق بىتىمگەرشىلىك كۇشتەرى تاۋلى-ءشولدى جەرلەردە بىتىمگەرشىلىك كونتينگەنتتەرىن تاعايىنداۋ جونىندەگى مىندەتتەرگە دايىندايدى جانە بەيبىتشىلىكتى قولداۋ بويىنشا بىرلەسكەن وپەراتسيا وتكىزەدى.
پراكتيكالىق ءىس-قيمىلدار بارىسىندا اسكەري قىزمەتشىلەر جەرگىلىكتى جەردى پاترۋلدەۋدى، باقىلاۋ-وتكىزۋ پۋنكتتەرىندە قىزمەتتى ۇيىمداستىرۋدى، جەكە قۇرامنىڭ كولوننالاردى الىپ ءجۇرۋ كەزىندەگى ءىس-قيمىلىن، ەلدى مەكەندى وقشاۋلاۋدى جانە جاپپاي تارتىپسىزدىكتەرگە قارسى ءىس-قيمىل جونىندەگى مىندەتتەردى ورىنداۋدى پىسىقتايدى.
قاتىسۋشىلار بىرلەسكەن جۇمىستىڭ ءادىسى مەن ءتارتىبىن زەرتتەدى. ۇجىمدىق بىتىمگەرشىلىك كۇشتەرىنىڭ قولباسشىسى گەنەرال-مايور ۆياچەسلاۆ گۋروۆ بەيبىتشىلىكتى قولداۋ جونىندەگى وپەراتسيانى وتكىزۋگە ۇ ق ش ۇ ۇجىمدىق قاۋىپسىزدىك كەڭەسىنىڭ مانداتىن الدى.
«مىزعىماس باۋىرلاستىق-2019» بىرلەسكەن وقۋ-جاتتىعۋى ۇ ق ش ۇ ۇجىمدىق قاۋىپسىزدىك جۇيەسىنىڭ كۇشتەرى مەن قۇرالدارىن باسقارۋ ورگاندارى مەن قۇرالىمدارىن بىرلەسىپ دايارلاۋدىڭ 2019-جىلعا ارنالعان بەكىتىلگەن جوسپارى اياسىندا وتۋدە.