اقتوبەدە تابىلعان «التىن» ادام وركەنيەتتىڭ جوعارى ساتىسىن كورسەتەدى - اكىم
«كەزەكتى «التىن كيىمدى كونە ەسكەرتكىش» - اقتوبە ءوڭىرىنىڭ عانا ەمەس، ءبۇتىن قازاق ەلىنىڭ تاريحىندا ەرەكشە ورىن «الاتىن ادام» تاريحي قۇندىلىق. كەشەگى ەسىك قالاسىنان، شىعىس پەن اتىراۋدان تابىلعان كونە ەسكەرتكىشتەردىڭ جالعاسى بۇگىن اقتوبە جەرىنەن دە كورىنىس بەردى. بۇل دەگەنىمىز سول زاماندا قازاق جەرىن مەكەندەگەن بابالارىمىز وركەنيەتتىڭ جوعارى ساتىسىندا ءومىر سۇرگەندىگىن كورسەتەدى. بۇل قويناۋى قۇتتى، تاريحى تەرەڭدە جاتقان اقتوبە وڭىرىنەن تابىلعان قۇندىلىقتاردىڭ باستاماسى عانا دەپ بىلەمىن. مۇنداي تاريحي جادىگەرلەر ءالى دە كوپتەپ تابىلىپ، دۇنيە ءجۇزىنىڭ الدىندا قازاق ەلىنىڭ مارتەبەسىن كوتەرەدى دەپ سەنەمىن»، - دەپ جازدى وڭداسىن ورازالين الەۋمەتتىك جەلىدەگى پاراقشاسىنا.
ايتا كەتەيىك، بۇعان دەيىن تەمىر اۋدانىنىڭ تاسقوپا اۋىلىنان التىن بۇيىمدارىمەن جەرلەنگەن ادام تابىلعانى تۋرالى جازعان بولاتىنبىز.