قازاقستان حالقىنا ايتارىم، ەۋرپانىڭ ورتاسىندا سىزدەردىڭ دە جەرلەرىڭىز بار ەكەنىن ءبىلىپ جۇرىڭىزدەر - الەكساندر لۋكاشەنكو
«قازاقستان پرەزيدەنتىن الداعى جىلى بەلارۋسكە رەسمي ساپارمەن كەلۋگە شاقىردىم. بۇل ساپار بۇگىنگى ۋاعدالاستىقتاردىڭ ورىندالۋىن، سونداي-اق قول قويىلعان كەلىسىمدەردىڭ اتقارىلۋىن قاداعالاۋعا مۇمكىندىك بەرەدى»، - دەدى ا. لۋكاشەنكو اقوردادا.
سونىمەن قاتار ول جۇرگىزىلگەن ماڭىزدى تالقىلاۋلار ءۇشىن ق ر پرەزيدەنتىنە العىسىن ايتتى.
«بۇگىنگى كەزدەسۋدەگى كونسترۋكتيۆتى قادامدار ءۇشىن العىسىمدى ايتقىم كەلەدى. وسى ورايدا ءبىزدىڭ ەلدەر مەن حالىقتاردىڭ يگىلىگىنە بارلىق كۇش-جىگەرىمدى سالۋعا دايىنمىن»، - دەدى بالارۋس پرەزيدەنتى.
«قازاقستان حالقىنا ايتارىم، سىزدەر بەلارۋسپەن تىعىز بايلانىس ورناتقاندارىڭىز وتە دۇرىس. ءبىز مىنتتەرىمىزدى جانە ۋادەمىزدى ورىندايتىن ەلمىز، سايكەسىنشە ەشكىمدى جارعا جىعىپ كەتكەن ەمەسپىز. سوندىقتان سىزدەر ءۇشىن سەنىمدى ەل رەتىندە بولۋعا قاۋقارلىمىز. ەۋرپانىڭ ورتاسىندا سىزدەردىڭ دە جەرلەرىڭىز بار ەكەنىن ءبىلىپ جۇرىڭىزدەر»، - دەدى ا. لۋكاشەنكو قازاقستان حالقىنا ارناپ ايتقان سوزىندە.