+7 (701) 759 90 19
1 °С : نۇر-سۇلتان
6 °С : الماتى
USD 388.70 EUR 428.70
RUB 6.08 CNY 55.46
جاڭالىقتار

بەلارۋس قورعاس ارقىلى قىتايعا ءوز ونىمدەرىن ساتپاق

25 قازان 08:52
:ءبولىسۋ
بەلارۋس قورعاس ارقىلى قىتايعا ءوز ونىمدەرىن ساتپاق

نۇر-سۇلتان. قازاقپارات - بەلارۋس رەسپۋبليكاسى قازاقستاننىڭ «قورعاس» شەكارا ماڭى ىنتىماقتاستىعى حالىقارالىق ورتالىعى ارقىلى قىتاي ەلىنە ەت جانە ءسۇت ونىمدەرىن ساتپاق.

بۇل تۋرالى ەلوردادا وتكەن «قازاقستان - بەلارۋس بيزنەس فورۋمى» بارىسىندا بەلگىلى بولدى، دەپ حابارلايدى قازاقپارات ءتىلشىسى.

«قورعاستىڭ مۇمكىندىكتەرىمەن بىلتىر تانىستىق. كەشە قازاقستاننىڭ ۇسىنىسى بويىنشا اتالمىش ايماقتاعى بەلارۋس رەسپۋبليكاسىنىڭ تۇڭعىش ساۋدا ايماعىن اشىپ كەلدىك. وسى ساۋدا كانالى ارقىلى ءبىز اۋىل شارۋاشىلىعىنىڭ سان ءتۇرلى ونىمدەرىن ساتساق دەپ وتىرمىز. ازىرگە ءسۇت ونىمدەرىن وتكىزۋ بويىنشا بارلىق ۆەتەرينارلىق، كەدەندىك قۇجاتتاردى رەتتەپ بولدىق. قىتاي تاراپى دا بۇل جوباعا قاتتى قىزىعىپ وتىر» ، - دەدى بەلارۋس رەسپۋبليكاسىنىڭ اۋىل شارۋاشىلىعى جانە ساۋدا مينيسترلىگى سىرتقى ەكونوميكالىق قىزمەت باسقارماسىنىڭ باسشىسى الەكسەي بوگدانوۆ فورۋمدا.

ونىڭ ايتۋىنشا، بەلارۋس ەلىنىڭ بارلىق ءسۇت وندەۋشى كاسىپورىندارى قىتايعا ەكسپورتتاۋشى رەتىندە اككرەديتتەلگەن.

«قىتايمەن ونسىز دا بايلانىسىمىز تىعىز. بارلىق ءسۇت وندەۋشى كاسىپورىندارىمىز اككرەديتتەلگەن. 2 ەت كومبيناتى سيىر ەتىن وتكىزۋگە، 5 فابريكا قۇس ەتىن وتكىزۋگە رۇقسات العان. كەشە عانا 7 بالىق شارۋاشىلىعىنىڭ قىتاي نارىعىنا جولى اشىلدى. قورعاس سول كاسىپورىنداردىڭ ءونىمىن وتكىزەتىن ءدالىزدىڭ بىرەۋى بولادى. بيىل قىتايعا 90 ميلليون دوللاردىڭ ءونىمىن ەكسپورتتاۋ جوسپارلانعان. قازاقستان ءۇشىن بۇل قوسىمشا جۇمىس ورىندارى مەن سالىق تۇسىمدەرى دەگەن ءسوز. ونىڭ ۇستىنە اتالمىش ساۋدا نۇكتەسىنىڭ جانىنان قازاقستانمەن بىرلەسىپ ءسۇت وڭدەۋشى كاسىپورىن اشۋدى كوزدەپ وتىرمىز. قازىر سول ءۇشىن سەرىكتەس ىزدەپ جاتىرمىز. ءبىز ول جەرگە شيكىزات جەتكىزىپ بەرەمىز. ال ونى قازاقستاندىق كاسىپورىن وڭدەپ، دايىن ءونىم ەتىپ شىعارۋى كەرەك. ول ءونىم ەكى ەلگە ورتاق برەندپەن قاپتالىپ، قىتاي نارىعىنا جىبەرىلەدى»، - دەيدى ول.

ايتا كەتسەك، ەلوردادا «قازاقستان - بەلارۋس بيزنەس فورۋمى» ءوتتى. وندا بەلگىلى بولعانداي قازاقستان اتالعان ەلمەن بىرىگىپ اۋىل شارۋاشىلىعى ماشينالارىن جاسايدى.

سونىمەن قاتار، اتالعان فورۋم اياسىندا كولەمى 75 ميلليون ا ق ش دوللارىن قۇرايتىن ەكىجاقتى 15 كەلىسىمگە قول قويىلدى.

اۆتور: ءالي يبرايەۆ


باستى سوزدەر: الةم, ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات