+7 (701) 759 90 19
-24 °С : نۇر-سۇلتان
-4 °С : الماتى
USD 388.07 EUR 427.54
RUB 6.08 CNY 55.36
جاڭالىقتار

داۋرەن ابايەۆ: كەيبىر ادامدار ءدىننىڭ اتىن جامىلىپ، ەكسترەميزمدى ناسيحاتتاپ ءجۇر

23 قازان 21:30
:ءبولىسۋ
داۋرەن ابايەۆ: كەيبىر ادامدار ءدىننىڭ اتىن جامىلىپ، ەكسترەميزمدى ناسيحاتتاپ ءجۇر

نۇر- سۇلتان. قازاقپارات - اقپارات جانە قوعامدىق دامۋ ءمينيسترى داۋرەن ابايەۆ قازاقستان مۇسىلماندارى ءدىني باسقارماسى الدىندا اسا ماڭىزدى، ەرەكشە جاۋاپتى جۇمىس تۇرعانىن ءمالىم ەتتى، دەپ حابارلايدى قازاقپارات.

«بىزدە تاريحي تۇرعىدا قالىپتاسقان يسلام ءدىنى بىركەلكىلىگىمەن، توزىمدىلىگىمەن جانە داستۇرىمىزبەن استاسىپ جاتۋىمەن ەرەكشەلەنەدى. الايدا بۇگىن دە، وكىنىشكە قاراي، كەيبىر جەكەلەگەن ادامدار ءدىننىڭ اتىن جامىلىپ، ەكسترەميزم مەن تەرروريزمدى، ءدىني فاناتيزمدى ناسيحاتتاپ ءجۇر. ولار قازاق جەرىندەگى سان عاسىرلىق تاريحى بار يسلامدى، بابالارىمىز ءال- فارابي مەن ءجۇسىپ بالاساعۇن، اباي مەن شاكارىم دارىپتەگەن ءداستۇرلى دىنىمىزدەن سىرت اينالىپ، دەسترۋكتيۆتى ءدىني اعىمداردىڭ جەتەگىندە كەتتى»، - دەدى داۋرەن ابايەۆ ەلوردادا وتكەن Ⅲ رەسپۋبليكالىق يمامدار فورۋمىندا.

مينيستر سوندىقتان قازاقستان مۇسىلماندارى ءدىني باسقارماسى الدىندا اسا ماڭىزدى، جاۋاپتى جۇمىس تۇرعانىن اتاپ ءوتتى.

«ول - ەلىمىزدەگى مۇسىلمان ۇمبەتىن قولدا بار «التىنىمىزدىڭ» قادىرىن بىلۋگە، ونى قاستەرلەۋگە شاقىرۋ، بابالار مۇراسى - اسىل ءدىنىمىزدى كوزدىڭ قاراشىعىنداي ساقتاۋعا ۇيرەتۋ. وعان قوسا، يسلام ءدىنىن ۇستانۋشى ازاماتتارىمىزدىڭ ءدىني ءبىلىمىن ارتتىرىپ، عالامدىق سۇرانىستارعا لايىقتى جاۋاپ بەرە الاتىن «ساپالى ۇمبەت» تاربيەلەۋ دە كەزەك كۇتتىرمەيتىن شارۋا. وسى ماقساتتا بىزدەر ناقتى جۇمىستاردى باستادىق. بۇگىنگى فورۋمدا قابىلداناتىن «جەتى رۋحاني قازىق» قازاقستان مۇسىلماندارىنىڭ رۋحاني تۇعىرناماسى اتتى قۇجات - حالقىمىزدىڭ ۇلتتىق رۋحاني مۇراسى مەن قۇندىلىعىن جاڭعىرتىپ، بۇقاراعا كەڭىنەن ناسيحاتتاۋعا ارنالعان»، - دەدى داۋرەن ابايەۆ.

ۆەدومستۆو باسشىسى سونداي- اق، فورۋمدا «ءدىني لاۋازىمدار ءتىزىلىمى»، «ءدىن قىزمەتكەرلەرى اتقاراتىن ءدىني راسىمدەر رەتى»، «ءدىني لاۋازىمداردىڭ قىزمەتتىك مىندەتتەمەلەرى» اتتى قۇجاتتار قابىلداناتىنىن اتاپ ءوتتى. ونىڭ ايتۋىنشا، بۇل اۋقىمدى قۇجاتتار - ءدىني سالاداعى وزەكتى ماسەلەلەردى شەشۋگە، مۇسىلمان ۇمبەتىنىڭ رۋحاني سۇرانىستارىن قاناعاتتاندىرۋعا، ءدىني باسقارمانىڭ بەدەلىن كوتەرۋگە، جۇمىسىن جۇيەلەۋگە وڭ ىقپال ەتەدى.

ايتا كەتسەك، بۇگىن ەلوردادا 500 يمامنىڭ قاتىسۋىمەن Ⅲ رەسپۋبليكالىق يمامدار فورۋمى ءوتتى. پرەزيدەنت قاسىم- جومارت توقايەۆ فورۋم قاتىسۋشىلارىنا قۇتتىقتاۋ حاتىن جولدادى.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات