+7 (701) 759 90 19
-15 °С : نۇر-سۇلتان
9 °С : الماتى
USD 388.49 EUR 427.26
RUB 6.06 CNY 55.32
جاڭالىقتار

ءدىني باسقارمانىڭ قارجى قىزمەتىنىڭ اشىقتىعىن قامتاماسىز ەتۋ قاجەت - ابايەۆ

23 قازان 21:09
:ءبولىسۋ
ءدىني باسقارمانىڭ قارجى قىزمەتىنىڭ اشىقتىعىن قامتاماسىز ەتۋ قاجەت - ابايەۆ

نۇر- سۇلتان. قازاقپارات - بۇگىن ەلوردادا وتكەن Ⅲ رەسپۋبليكالىق يمامدار فورۋمىندا اقپارات جانە قوعامدىق دامۋ ءمينيسترى داۋرەن ابايەۆ يمامداردىڭ جاڭا وبرازىن قالىپتاستىرۋ ماسەلەسىن كوتەردى، دەپ حابارلايدى قازاقپارات ءتىلشىسى.

«ءدىني باسقارما قىزمەتشىلەرىنىڭ جوعارى ءبىلىمى مەن بىلىكتىگىن ارتتىرعان ابزال. مەملەكەت يمامدارعا قولداۋ كورسەتۋ ءۇشىن جىل سايىن ءدىني باسقارمانىڭ قىزمەتشىلەرىن وقىتىپ كەلەدى. مەشىت يمامدارىنىڭ تاپشىلىعىن شەشۋ ماقساتىندا ءبىز «نۇر- مۇباراك» مىسىر يسلام مادەنيەتى ۋنيۆەرسيتەتىنە «يسلام تانۋ» ماماندىعى بويىنشا مەملەكەت تاراپىنان گرانتتاردىڭ بولىنۋىنە كومەك كورسەتۋدەمىز. وسى جەردە تاعى ءبىر ماڭىزدى ماسەلە بار. جاسىراتىنى جوق، حالىق اراسىندا كەيدە مولدالار جۇمىسىنا كوڭىل تولماۋشىلىق ايتىلادى. ەل يمامداردى قۇران وقىپ، جانازا شىعارۋمەن قوسا، باسقا دا ۇلكەن ىستەردىڭ اينالاسىندا كورگىسى كەلەتىندىگىن ءبىلدىرىپ جاتادى. سوندىقتان، ءدىني باسقارما يمامداردىڭ جاڭا وبرازىن قالىپتاستىرۋى كەرەك دەپ سانايمىن»، - دەدى داۋرەن ابايەۆ.

ءمينيستردىڭ ايتۋىنشا، حالىق يمامداردى جاقسىلىق ىستەرگە جۇمىلدىراتىن، قايىرىمدىلىق شارالارىنا مۇرىندىق بولاتىن، قۋانىشى مەن قايعىسىن بولىسەتىن، قايىرلى ىسكە ۇندەيتىن سيپاتتا تانىعانى ءجون.

«سەبەبى ءىستىڭ - سوزگە قاراعاندا اسەرى كۇشتىرەك. سونداي- اق، ءدىني باسقارمانىڭ الەۋمەتتىك جەلىلەر مەن ب ا ق بەتتەرىندەگى اعارتۋشىلىق جۇمىستارىن كۇشەيتۋ كەرەك. سونىمەن بىرگە، ءدىني باسقارمانىڭ تىكەلەي قىزمەتىنە قاتىستى جەكە ازاماتتاردىڭ سۇراقتارىن اشىق ءارى جىلدام شەشۋ ماقساتىندا ءمۇفتيدىڭ «ۆيرتۋالدى قابىلداۋ ءبولىمىن» اشۋدى ۇسىنامىن. بۇل ازاماتتارعا ءارتۇرلى دەسترۋكتيۆتى كوزدەردەن تەرىس مالىمەت ەمەس، ءدىني باسقارمادان تەكسەرىلگەن، دۇرىس اقپارات الۋىنا مۇمكىندىك بەرەدى. بۇل باستامانى جۇزەگە اسىرۋعا مينيسترلىك تاراپىنان جاردەم كورسەتە الامىز. جانە بۇعان دەيىن كەزدەسۋلەرىمىزدىڭ بىرىندە وزدەرىڭىزگە ءدىن تاقىرىبىندا تەلەۆيزيالىق باعدارلاما اشۋ جونىندە ۋادە بەرگەن ەدىك، سول ۋادەمىزدى ورىنداپ، قازىر «قازاقستان»، «حابار» ارنالارىنان «يمان وزەگى»، «رەليگيا سەگودنيا» حابارلارى شىعۋدا»، - دەدى ول.

داۋرەن ابايەۆ ءسوز سوڭىندا ق م د ب قارجى قىزمەتىنىڭ اشىقتىعىن قامتاماسىز ەتۋ قاجەتتىگىن اتاپ ءوتتى.

«بۇگىندە بۇل ماقساتتا مەشىتتەرگە ازاماتتاردىڭ قايىرىمدىلىعىن قابىلداۋعا ارنالعان ەلەكتروندىق تەرمينالداردى قويۋ جۇمىستارى باستالدى. وسى جۇمىستاردى باسىندا ءىرى قالالاردىڭ مەشىتتەرىندە، كەيىننەن بارلىق وبلىستىق، اۋدان ورتالىقتارىندا جالعاستىرۋ قاجەت. بۇل ءتاسىل حالىق الدىندا ءدىني باسقارمانىڭ قارجى- شارۋاشىلىق قىزمەتىنىڭ اشىقتىعى مەن جاريالىلىعىنا سەنىم تۋدىرىپ، بەدەلىنىڭ ارتۋىنا مۇمكىندىك جاسايدى دەپ ەسەپتەيمىن»، - دەدى مينيستر.

ايتا كەتسەك، بۇگىن ەلوردادا 500 يمامنىڭ قاتىسۋىمەن Ⅲ ەسپۋبليكالىق يمامدار فورۋمى ءوتتى. پرەزيدەنت قاسىم- جومارت توقايەۆ فورۋم قاتىسۋشىلارىنا قۇتتىقتاۋ حاتىن جولدادى.

اۆتور: ايان بەكەن ۇلى


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات