+7 (701) 759 90 19
28 °С : نۇر-سۇلتان
29 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

توقايەۆ: ىزگى قاسيەتتەردى حالىق ساناسىنا ءسىڭىرۋ - ساۋابى مول ميسسيا

23 قازان 20:48
:ءبولىسۋ
توقايەۆ: ىزگى قاسيەتتەردى حالىق ساناسىنا ءسىڭىرۋ - ساۋابى مول ميسسيا

نۇر- سۇلتان. قازاقپارات - پرەزيدەنت قاسىم- جومارت توقايەۆ ەلوردادا وتكەن «رۋحاني قۇندىلىقتار - قوعام بىرلىگىنىڭ نەگىزى» اتتى Ⅲ رەسپۋبليكالىق يمامدار فورۋمىنىڭ قاتىسۋشىلارىنا قۇتتىقتاۋ حاتىن جولدادى، دەپ حابارلايدى قازاقپارات ءتىلشىسى.

مەملەكەت باسشىسىنىڭ قۇتتىقتاۋ حاتىن ق ر پرەزيدەنتى اكىمشىلىگىنىڭ باسشىسى ەرلان قوشانوۆ وقىپ بەردى.

«قۇرمەتتى فورۋمعا قاتىسۋشىلار! بارشاڭىزدى يگى داستۇرگە اينالعان يمامدار فورۋمىنىڭ اشىلۋىمەن شىن جۇرەكتەن قۇتتىقتايمىن. پاراساتتىلىق، وتانسۇيگىشتىك، ادامگەرشىلىك قاسيەتتەرىن حالىقتىڭ ساناسىنا ءسىڭىرۋ - ساۋابى مول ابىرويلى ميسسيا. يسلام ءدىنىنىڭ وسىنداي ىزگى قۇندىلىقتارى ەلىمىزدەگى مۇسىلماندار قاۋىمىن بىرىكتىرىپ، ىنتىماعىن ارتتىرىپ وتىر. يمامدارىمىز حالىق اراسىندا رۋحاني، اعارتۋشىلىق جۇمىستارىن ۇدايى جۇرگىزىپ، جاس ۇرپاقتىڭ بويىنا يماندىلىقتى دارىتۋعا اتسالىسۋى وتە ماڭىزدى»، - دەلىنگەن قۇتتىقتاۋ حاتتا.

پرەزيدەنتتىڭ اتاپ وتۋىنشە، بۇگىن دە ەلوردامىز الەمدىك جانە ءداستۇرلى ءدىن كوشباسشىلارى باس قوساتىن وركەنيەتارالىق ديالوگ الاڭى ەكەنىن مويىندالعان.

«بيىلعى قازاقستان حالقىنا جولداۋدا حالقىمىزدىڭ ۇلى پەرزەنتتەرى - ءال- فارابي، اباي سىندى ويشىلداردىڭ ەڭبەكتەرىن كەڭىنەن دارىپتەۋ قاجەتتىگىن اتاپ وتكەن بولاتىنمىن. سوندىقتان، قوعامداعى تاتۋلىق پەن كەلىسىمدى نىعايتۋ ارقىلى قازاقستان حالقىنىڭ تۇتاستىعىن ساقتاپ، ۇلتتىق بولمىسىمىزدى ايشىقتاۋ - بارشامىزعا ورتاق پارىز. بۇل جيىن قازاقستان مۇسىلماندارى ءدىني باسقارماسىنىڭ جۇمىسىنا جانە ەلىمىزدەگى ءدىن وكىلدەرىنىڭ رۋحاني باستامالارىنا تىڭ سەرپىن بەرەدى دەپ سەنەمىن. فورۋم جۇمىسىنا ساتتىلىك تىلەيمىن»، - دەيدى قاسىم- جومارت توقايەۆ.

ايتا كەتسەك، ەلوردادا وتكەن فورۋمعا ق ر پرەمەر- ءمينيسترىنىڭ ورىنباسارى بەردىبەك ساپاربايەۆ، اقپارات جانە قوعامدىق دامۋ ءمينيسترى داۋرەن ابايەۆ، مەملەكەت جانە قوعام قايراتكەرلەرى، عالىمدار، دەپۋتاتتار، بەلگىلى تەولوگتار، ەلىمىزدىڭ ءار ايماعىنان كەلگەن 500 يمام قاتىستى.

اۆتور: ايان بەكەن ۇلى


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات