+7 (701) 759 90 19
+7 °С : نۇر-سۇلتان
+14 °С : الماتى
USD 433.55 EUR 515.53
RUB 5.62 CNY 66.25
جاڭالىقتار

ءوزىڭ جارقىراۋ ارقىلى وزگەگە جول اشاسىڭ

8 ءساۋىر 16:00
:ءبولىسۋ
ءوزىڭ جارقىراۋ ارقىلى وزگەگە جول اشاسىڭ

نۇر-سۇلتان. قازاقپارات -ءبىزدىڭ ۇرەي جامان ەدىك دەگەندىكتە ەمەس. ءبىزدىڭ ۇرەي شەكتەن تىس ارتىقتىعىمىزدى كورسەتۋدەن تۋادى. وزگەدەن ارتىقپىن دەگەن وي ءبىزدى شوشىتادى.

ءبىزدى تۇنەك ەمەس، جارىق قورقىتادى. ءبىز وزىمىزدەن: وسىنشا جارقىراپ، عاجاپ، تالانتتى بولارلىقتاي مەن كىم ەدىم دەپ سۇرايمىز. ال، نەگە سونداي بولماسقا؟ ءسىز دە اللانىڭ سىيىسىز. ءسىزدىڭ ءوزىڭىزدى كەمسىتۋىڭىز عالامعا قىزمەت ەتپەيدى. وزگەلەردىڭ تىنىشتىعىن ۇرلامايىن، ولار مەنىڭ جانىمدا وزدەرىن قاۋىپسىز سەزىنسىن دەپ ءوزىڭىزدى كەمسىتىپ، كىشىرەيتىپ كورسەتكەندە تۇرعان ەشبىر جاقسىلىق جوق. ءبىرىمىز قالماي جارقىراۋعا ءتيىسپىز. بالا سياقتى. و باستا تۋا بىتكەن تاڭىرلىك عاجاپتى الەمگە تاراتۋىمىز كەرەك. بۇل عاجاپ تەك تاڭداۋلىلاردا ەمەس، ادام بالاسىنىڭ بارىندە بار. جۇرەگىڭىزدەگى جارىقتى جارقىراتقان سايىن ءسىز بەيسانالى تۇردە وزگەلەرگە دە جارقىراۋعا جول اشاسىز. بويىمىزداعى ۇرەيدەن ارىلعان سايىن اينالامىزداعى جانداردى دا سول ۇرەيدەن قۇتقارامىز.

مارياننا ۋيليامسون

بىردە ءوزىم تانيتىن دانا ادامنان بىلاي دەپ سۇرادىم:

- نەگە ەت جاقىندارىمىز قارتايعاندا كۇيگەلەك بوپ كەتەدى؟ جانىمىزدى اۋىرتقاندى جاقسى كورەدى. ولار جاندى جەرىمىزدى جاقسى بىلەدى. كەيدە جاندى اۋىرتىپ الىپ، قالاي قينالعانىمىزدان ءلاززات الا باقىلايدى.. .

سول دانا كىسى ماعان بىلاي دەدى:

- ادامنىڭ ومىرىندە ەكى رەت وتپەلى كەزەڭ بولادى. سول ساتتەردە ادام ەت جاقىندارىنا تىزەسىن باتىرىپ جىبەرەدى. شاماسى، ايىرىلىسۋدى جەڭىلدەتكىسى كەلگەندە سولاي ەتەتىن بولسا كەرەك. ءجاسوسپىرىم كەزدە ۇلكەن ومىرگە قادام جاساپ، ءوزىن ءوزى تانۋدى باستاعاندا. ولار اتا- اناسىنا مىنەز كورسەتىپ، جۇيكەسىن توزدىرادى. اتا- اناسى امال جوقتان بالاسىن ەركىن ومىرگە قويا بەرەدى. كەيدە بالاسىنىڭ بولەك تۇراتىندىعىنا قۋانا كەلىسەدى. نازىك ءجىپتىڭ ءبارى ۇزىلەدى. بالاسىن ەركىندىككە جىبەرۋگە قورىقپايدى. اتا- اناسىنان ىرگەسىن بولەك سالۋىنا جان اۋىرمايدى. ەركەلىك سونىمەن بىتەدى. قارتايعاندا دا سولاي بولادى. تابيعات ءوزى ءبىزدى ماڭگىلىك قوشتاسۋعا سولاي دايىندايتىن بولسا كەرەك. ەڭ جاقىن ادامىڭ ءومىرىنىڭ سوڭعى جىلدارى نەعۇرلىم بەيمازا بولعان سايىن ونىمەن قوشتاسۋ جەڭىل بولادى. سەبەبى، نازىك ءجىپتىڭ ءبارى ءتىرى كۇنىندە ءۇزىلىپ تاۋسىلادى. تەك بورىش قالادى. ال مەيىرىم سۋالادى. ءبىرىنشى ساتتە دە، ەكىنشى ساتتە دە نازىك ءجىپتى ۇزبەي قالعاندارعا قيىن تيەدى. كەيدە مۇنداي مەيىرىم ءومىردى كۇيرەتەدى.

يۋليا اۋگ

بۇگىن وزگەلەرگە قامقور بولۋ جانە وزگەنىڭ ءۇمىتىن اقتاۋ دەگەن ءبىر نارسە ەمەستىگىن ءتۇسىندىم. وزگەنىڭ ءۇمىتىن اقتايمىن دەسەم، ەرتە مە، كەش پە - ىزالانامىن، شارشايمىن، سىنىپ كەتەم. ال وزگەمەن قارىم- قاتىناسىمىزعا قامقورلىق تانىتۋ دەگەن مەن نە سىڭارىم ءۇمىت اقتاماي جاتساق تا ءبىر- ءبىرىمىزدىڭ ەركىندىگىمىزگە قول سۇقپاي، سابىر ساقتاپ، ءار قيىندىقتى بىرگە جەڭۋگە تالپىنامىز دەگەنگە سەنۋ.

اگلايا داتەشيدزە

اۋدارعان: شىنار ءابىلدا

Massaget.kz



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات