+7 (701) 759 90 19
-12 °С : نۇر-سۇلتان
-4 °С : الماتى
USD 386.19 EUR 427.71
RUB 6.07 CNY 54.87
جاڭالىقتار

اقتوتى رايىمقۇلوۆا: مەملەكەتتىك رامىزدەر ەل اۋماعىندا عانا جاسالۋى ءتيىس

23 قازان 18:52
:ءبولىسۋ
اقتوتى رايىمقۇلوۆا: مەملەكەتتىك رامىزدەر ەل اۋماعىندا عانا جاسالۋى ءتيىس

نۇر- سۇلتان. قازاقپارات - قازاقستاندا مەملەكەتتىك رامىزدەرى ەل اۋماعىندا عانا جاسالۋى ءتيىس. بۇل تۋرالى ق ر مادەنيەت جانە سپورت ءمينيسترى اقتوتى رايىمقۇلوۆا مالىمدەدى، دەپ حابارلايدى قازاقپارات ءتىلشىسى.

«رۇقساتتار جانە حابارلامالار تۋرالى زاڭعا سايكەس، ەل اۋماعىنداعى مەملەكەتتىك رامىزدەردى دايىنداۋ ليسەنزيالاناتىن قىزمەت بولىپ تابىلادى. بۇل شىعارىلاتىن ءونىمنىڭ مەملەكەتتىك ستاندارتتارعا سايكەستىگىن قامتاماسىز ەتەدى. سونىمەن قاتار، وتاندىق نارىقتا ەلدەن تىسقارى جەردە دايىندالعان مەملەكەتتىك رامىزدەر دە بار. ايتالىق، 2019 -جىلدىڭ 8 ايىندا ولاردىڭ يمپورت كولەمى 3,4 ميلليارد تەڭگەنى قۇراعان. بۇل ماسەلەنى شەشۋ ءۇشىن شيكىزات ساتىپ الۋدى قوسپاعاندا، دايىنداۋشىلارعا ارنالعان بىلىكتىلىك تالاپتارىن، ولاردى ەلدىڭ اۋماعىندا ءوندىرۋدىڭ تولىق سيكلىن قامتاماسىز ەتۋ تۋرالى نورمامەن تولىقتىرۋ ارقىلى مەملەكەتتىك رامىزدەردىڭ يمپورتىنا تىيىم سالۋ قاجەت»، - دەدى مينيستر اقوردادا مەملەكەتتىك رامىزدەر مەن ۆەدومستۆولىق جانە ولارعا تەڭەستىرىلگەن وزگە دە ناگرادالار گەرالديكاسى ماسەلەلەرى جونىندەگى رەسپۋبليكالىق كوميسسيا وتىرىسىندا.

ونىڭ ايتۋىنشا، دايىن ءونىمدى شەتەلدەن ساتىپ الاتىن رەسمي دايىنداۋشىلاردان ليسەنزيانى قايتارىپ الۋ جۇمىستارى ءجۇرىپ جاتىر. بۇل سالادا ۋاكىلەتتى ورگاندار - ساۋدا جانە ينتەگراتسيا، قارجى مينيسترلىكتەرى بىلىكتىلىك تالاپتارىنا وزگەرىستەر ەنگىزۋ بويىنشا شۇعىل شارالار قابىلداي باستادى.

«ماسەلەن، بۇل باعىتتا مەملەكەتتىك رامىزدەردىڭ رەسمي وندىرۋشىلەرىنە مونيتورينگ جۇرگىزىلدى. ونىڭ قورىتىندىسى بويىنشا، 63 ليسەنزياتتىڭ 29-ى عانا بىلىكتىلىك تالاپتارىنا ساي بوپ شىقتى. وسى ورايدا ۋاكىلەتتى ورگان - ساۋدا جانە ينتەگراتسيا مينيسترلىگى سالا كاسىپورىندارىنا جوسپارلى تەكسەرۋ جۇرگىزىپ، بىلىكتىلىك تالاپتارىنا ساي ەمەس 34 ليسەنزياتقا مەملەكەتتىك ءرامىزدى جاساۋعا تىيىم سالۋى ءتيىس. نە ولاردىڭ جۇمىسىن دۇرىس باعىتقا بۇرۋ جونىندە ناقتى نۇسقاۋ بەرۋى كەرەك»، - دەدى اقتوتى رايىمقۇلوۆا.

وسىعان وراي، كوميسسيا ءتوراعاسى، مەملەكەتتىك حاتشى قىرىمبەك كوشەربايەۆ رامىزدەردى دايىنداۋشىلارعا ارنالعان بىلىكتىلىك تالاپتارىن كۇشەيتۋ ارقىلى ولاردى ەل اۋماعىندا عانا ءوندىرۋدىڭ تولىق سيكلىن قامتاماسىز ەتۋدى جانە ولاردىڭ يمپورتىنا تىيىم سالۋدى تاپسىردى.

اۆتور: ايجان سەرىكجان قىزى


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات