+7 (701) 759 90 19
-6 °С : نۇر-سۇلتان
-2 °С : الماتى
USD 387.14 EUR 428.18
RUB 6.06 CNY 55.23
جاڭالىقتار

قازاقستان مەن جاپونيا الىس كورشى بولسا دا، جاقىن دوس - ەلباسى

23 قازان 13:51
:ءبولىسۋ
قازاقستان مەن جاپونيا الىس كورشى بولسا دا، جاقىن دوس - ەلباسى

توكيو. قازاقپارات - قازاقستان مەن جاپونيا الىس كورشى بولسا دا، جاقىن دوس. بۇل تۋرالى ق ر تۇڭعىش پرەزيدەنتى - ەلباسى نۇرسۇلتان نازاربايەۆ تسۋكۋبا ۋنيۆەرسيتەتىنىڭ قۇرمەتتى دوكتورى اتاعىن بەرۋ شاراسىندا ايتتى، دەپ حابارلايدى قازاقپارات ءتىلشىسى.

«قازاقستاندا عىلىمدى قاجەتسىنەتىن ەكونوميكا قۇرۋ ءۇشىن ەكى ينتەللەكتۋالدى-يننوۆاتسيالىق كلاستەر - نازاربايەۆ ۋنيۆەرسيتەتىنىڭ «استانا بيزنەس كامپۋس» حايتەك-پاركى مەن الماتى قالاسىنداعى «الاتاۋ» تەحنوپاركى جۇمىس ىستەپ تۇر. ناقتى عىلىمي-وندىرىستىك جوبالاردى جۇزەگە اسىرۋ ءۇشىن جۇمىسقا جوعارى تەحنولوگيالىق كومپانيالار مەن ۋنيۆەرسيتەتتەر تارتىلۋدا. ەلىمىزدە ءبىلىم كۋلتىنىڭ قوعامنىڭ اجىراماس بولىگىنە اينالعانىنا قۋانىشتىمىز»، - دەدى ق ر تۇڭعىش پرەزيدەنتى.

ەلباسى تاۋەلسىزدىك جىلدارىنداعى قازاقستاننىڭ جەتىستىكتەرىنە توقتالىپ، ەلوردامىز نۇر-سۇلتان قالاسىن سالۋدا جاپوندىق ساۋلەتشىلەردىڭ كوپ كومەگى تيگەنىن اتاپ ءوتتى.

«تسۋكۋبا قازاقستاننىڭ جوعارى وقۋ ورىندارىمەن عىلىمي، اكادەميالىق جانە ءبىلىم سالالارىندا ىنتىماقتاستىقتى جولعا قويعان، بىلەمىن. قازاقستاندىق تەحنولوگيالىق پاركتەرمەن كووپەراتسياعا قوسىلۋعا شاقىرامىن»، - دەدى نۇرسۇلتان نازاربايەۆ.

تۇڭعىش پرەزيدەنت شاراعا قاتىسۋشىلاردى يمپەراتور نارۋحيتونىڭ تاققا وتىرۋىمەن جانە جاپونيادا «رەيۆا» ءداۋىرىنىڭ ورناۋىمەن قۇتتىقتادى. وسى ۋاقىت قازاقستاندىق- جاپوندىق قارىم-قاتىناستى ودان ءارى دامىتۋ ءۇشىن بەرەكەلى بولاتىنىنا سەنىم ءبىلدىردى.

«ءبىز الىس كورشى بولساق تا، وتە جاقىن دوسپىز. وسى جەردە ءبىزدىڭ مۋزىكامىزدىڭ، ءان سالۋىمىز بارىنشا ۇندەس كەلەتىنى ايتىلدى. قازاق پەن جاپوندى ايىرۋ وتە قيىن. ءبىزدىڭ ءبىر-بىرىمىزگە ۇقساستىعىمىز تاڭ قالدىرادى. بۇل دا ارحەولوگيالىق تۇرعىدا زەرتتەۋدى قاجەت ەتەدى»، - دەدى نۇرسۇلتان نازاربايەۆ.

بۇعان دەيىن حابارلاعانىمىزداي، تسۋكۋبا ۋنيۆەرسيتەتىنىڭ پرەزيدەنتى كەسۋكە ناگاتا ەلباسى نۇرسۇلتان نازاربايەۆقا اتالعان ۋنيۆەرسيتەتتىڭ قۇرمەتتى دوكتورى كۋالىگىن تابىستاعان بولاتىن.


باستى سوزدەر: ئقپالداستئق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات