+7 (701) 759 90 19
-6 °С : نۇر-سۇلتان
-3 °С : الماتى
USD 387.14 EUR 428.18
RUB 6.06 CNY 55.23
جاڭالىقتار

اتامبايەۆتى ەكس- پرەزيدەنت مارتەبەسىنەن ايىرۋدىڭ زاڭدىلىعى قارالىپ جاتىر

23 قازان 13:33
:ءبولىسۋ
اتامبايەۆتى ەكس- پرەزيدەنت مارتەبەسىنەن ايىرۋدىڭ زاڭدىلىعى قارالىپ جاتىر

نۇر-سۇلتان. قازاقپارات – قىرعىزستان جوعارعى كەڭەسىنىڭ كونستيتۋتسيلىق پالاتاسى بۇگىن، 23- قازاندا المازبەك اتامبايەۆتى ەكس-پرەزيدەنت مارتەبەسىنەن ايىرۋدىڭ زاڭدىلىعىن قاراستىرىپ جاتىر.

اتامبايەۆتىڭ مۇددەسىن قورعايتىن ادۆوكات نۇربەك توكتاكۋنوۆ سۋديالار ءتوراعاسى كارىبەك دۇيشەيەۆتى القا قۇرامىنان شىعارۋدى ۇسىنعان. ونىڭ سوزىنشە، دۇيشەيەۆ 2013-2014-جىلدارى پارلامەنتتىڭ سول كەزدەگى ءتوراعاسى اسىلبەك جەەنبەكوۆتىڭ كەڭەسشىسى بولعان. اسىلبەك جەەنبەكوۆ قىرعىزستان پرەزيدەنتى سوورونباي جەەنبەكوۆتىڭ تۋعان باۋىرى.

كەڭەس بولمەسىنەن ورالعان سوت كارىبەك دۇيشەيەۆتىڭ قازىرگى قىزمەتىنىڭ ىسكە قاتىسى جوق دەگەن شەشىم شىعاردى.

قىرعىز پارلامەنتى كونستيتۋتسيالىق پالاتاسىنىڭ كەڭەسى:

27- ماۋسىمدا پارلامەنت المازبەك اتامبايەۆتى ەكس- پرەزيدەنت مارتەبەسىنەن ايىرعان. وعان دەيىن ارنايى دەپۋتات كوميسسياسى اتامبايەۆقا التى ايىپ ارتقان. باس پروكۋراتۋرا تەكسەرە كەلە بەسەۋى نەگىزسىز دەگەن قورىتىندى شىعارعان. ونىڭ ىشىندە «المازبەك اتامبايەۆ اتى-شۋلى قىلمىسكەر ءازيز باتۋكايەۆتى زاڭسىز بوساتۋعا ارالاستى»، «بىشكەك جىلۋ ەلەكتر ستانتسياسىن جاڭارتۋ كەزىندە جانە وعان كومىر جەتكىزۋ كەزىندە جەمقورلىققا قاتىستى» دەگەن ايىپتار بولعان. المازبەك اتامبايەۆ مۇنداي ايىپتاۋلاردىڭ ارتىندا ساياسي ماقسات بار دەپ ەسەپتەيتىنىن ءبىلدىرىپ، پارلامەنتتىڭ ەكس-پرەزيدەنت مارتەبەسىنەن ايىرۋ تۋرالى شەشىمىن كونستيتسياعا ساي ەمەس دەپ باعالاعان.

قازىرگى ۋاقىتتا بىشكەكتىڭ ءبىرىنشى ماي اۋداندىق سوتىندا باتۋكايەۆ ءىسى بويىنشا سوت پروتسەسى ءجۇرىپ جاتىر. قىرعىزستان مەملەكەتتىك قاۋىپسىزدىك كوميتەتىنىڭ تەرگەۋ يزولياتورىندا قاماۋدا وتىرعان اتامبايەۆ ول سوتقا بارۋدان باس تارتقان.

7-8- تامىزدا شۋ وبلىسىنىڭ قوي-تاش اۋىلىندا «بۇرىنعى پرەزيدەنت اتامبايەۆتى تەرگەۋگە ماجبۇرلەپ اكەلۋ شاراسى» وتكەن. شارا بارىسىندا ارنايى قىزمەت وكىلى قازا بولىپ، ونداعان ادام جاراقاتتانعان.

«ازاتتىق»


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات