+7 (701) 759 90 19
-9 °С : نۇر-سۇلتان
-1 °С : الماتى
USD 385.55 EUR 426.57
RUB 6.05 CNY 54.77
جاڭالىقتار

نۇرسۇلتان نازاربايەۆ: تسۋكۋبا ۋنيۆەرسيتەتىنىڭ قۇرمەتتى دوكتورى اتانۋ - زور مارتەبە

23 قازان 13:16
:ءبولىسۋ
نۇرسۇلتان نازاربايەۆ: تسۋكۋبا ۋنيۆەرسيتەتىنىڭ قۇرمەتتى دوكتورى اتانۋ - زور مارتەبە

توكيو. قازاقپارات – ق ر تۇڭعىش پرەزيدەنتى - ەلباسى نۇرسۇلتان نازاربايەۆ تسۋكۋبا ۋنيۆەرسيتەتىنىڭ قۇرمەتتى دوكتورى اتانۋىن زور مارتەبە سانايتىنىن ايتتى، دەپ حابارلايدى قازاقپارات ءتىلشىسى.

«جاپونيانىڭ جەتەكشى وقۋ ورىندارىنىڭ ءبىرى - تسۋكۋبا ۋنيۆەرسيتەتىنىڭ قۇرمەتتى دوكتورى اتانعانىما قۋانىشتىمىن. سىزدەردىڭ ۋنيۆەرسيتەت الەمدىك دەڭگەيدەگى ءبىلىم بەرۋ جانە زەرتتەۋ ورتالىعى سانالادى. ءوزىنىڭ تەرەڭ تاريحىمەن دە تانىمال. تسۋكۋبانىڭ نوبەل سىيلىعى يەگەرلەرىن وقىتىپ شىعارعان جاپوندىق جوعارى وقۋ ورىندارى قاتارىنا كىرۋىنىڭ ءوزى زور قۇرمەتكە لايىق. ۋنيۆەرسيتەتتىڭ ءۇش تۇلەگى 1965 جانە 1973-جىلدارى - فيزيكادان، 2000-جىلى - حيميادان نوبەل سىيلىعىن الدى»، - دەدى ەلباسى.

نۇرسۇلتان نازاربايەۆ تسۋكۋبا ۋنيۆەرسيتەتى قازاقستاندىقتار اراسىندا دا زور سۇرانىسقا يە ەكەنىن، 105 ادام ديپلوم العانىن ايتتى. ونىڭ باسىم بولىگى تاۋەلسىزدىكتىڭ ەلەڭ-الاڭىندا جاريالانعان «بولاشاق» باعدارلاماسى ارقىلى ءبىلىم العانىن ەسكە سالدى.

«2016-جىلى جاپونياعا ساپار بارىسىندا توكاي ۋنيۆەرسيتەتىنىڭ قۇرمەتتى دوكتورى اتانعان ەدىم. جاپونيانىڭ لايىقتى ءارى باي ءداستۇرى بار عىلىمي-زەرتتەۋ ورتالىقتارىنىڭ قادىر تۇتۋى - مەن ءۇشىن ۇلكەن مارتەبە جانە بۇل قازاقستاننىڭ بارشا حالقىنا دەگەن قۇرمەتتىڭ بەلگىسى. ءوز تاراپىمنان ەلىمىزدىڭ جاستار ساياساتىنا جانە ءبىلىمدى دامىتۋعا بارلىق ۋاقىتتا ايرىقشا ءمان بەردىم. مەنىڭ باستاماممەن مىڭداعان جاس قازاقستاندىق «بولاشاق» باعدارلاماسى ارقىلى مەملەكەت ەسەبىنەن الەمنىڭ ۇزدىك ۋنيۆەرسيتەتتەرىندە ءبىلىم الدى»، - دەدى ەلباسى.

بۇعان دەيىن حابارلاعانىمىزداي، تسۋكۋبا ۋنيۆەرسيتەتىنىڭ پرەزيدەنتى كەسۋكە ناگاتا ەلباسى نۇرسۇلتان نازاربايەۆقا اتالعان ۋنيۆەرسيتەتتىڭ قۇرمەتتى دوكتورى كۋالىگىن تابىس ەتكەن بولاتىن.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات