+7 (701) 759 90 19
-6 °С : نۇر-سۇلتان
-3 °С : الماتى
USD 387.14 EUR 428.18
RUB 6.06 CNY 55.23
جاڭالىقتار

پۋتين: تۇركيامەن اسا ماڭىزدى كەلىسىم جاسالدى

23 قازان 14:29
:ءبولىسۋ
پۋتين: تۇركيامەن اسا ماڭىزدى كەلىسىم جاسالدى

نۇر-سۇلتان. قازاقپارات - تۇركيا پرەزيدەنتى رەجەپ ەردوعان مەن رەسەي پرەزيدەنتى ۆلاديمير پۋتين سوچيدەگى كەزدەسۋىندە «انكارا مەن ماسكەۋ ەۆفرات وزەنىنەن شىعىسقا قاراي سيريا مەن تۇركيا شەكاراسىن بىرگە باقىلايدى» دەگەن ۋاعدا جاساستى.

رەسەي سىرتقى ىستەر ءمينيسترى سەرگەي لاۆروۆ وقىعان كەلىسىم ءماتىنى بويىنشا، وسىدان ەكى اپتا بۇرىن تۇركيا اسكەري وپەراتسيا جۇرگىزگەن 30 كيلومەتر شەكارا ايماعىن تۇرىك اسكەرى باقىلايدى. 30 كيلومەتر ايماقتىڭ قالعان بولىگىنە رەسەيدىڭ اسكەري پوليتسياسى كىرگىزىلەدى. ال كۇرد قارۋلى جاساقتارى بۇل ايماقتان كەتەدى.

ەردوعان 22- قازاندا سوچيگە بارىپ، پۋتينمەن كەلىسسوز جۇرگىزگەن. التى ساعاتقا سوزىلعان كەلىسسوزدىڭ نەگىزگى تاقىرىبى - تۇركيانىڭ سيريا سولتۇستىگىندەگى اسكەري وپەراتسياسى بولعان.

پۋتيننىڭ سوزىنشە، ەكى تاراپ سيريانىڭ سولتۇستىگىندەگى جاعدايدى قالىپقا تۇسىرۋگە ارنالعان ءىس-قيمىلدارىن كەلىسكەن. بۇل كەلىسىمدى رەسەي پرەزيدەنتى «اسا ماڭىزدى شەشىم» دەپ اتادى.

ەردوعاننىڭ ايتۋىنشا، سيريانىڭ تۇركيامەن ىرگەلەس اۋماعىنداعى «قاۋىپسىز ايماققا» قازىر تۇركيا اۋماعىندا جۇرگەن سيريا بوسقىندارى ورنالاستىرىلۋى مۇمكىن.

تۇركيا ەكى اپتا بۇرىن سيريانىڭ سولتۇستىگىندەگى قارۋلى كۇرد جاساقتارىنا قارسى اسكەري وپەراتسيا باستاعان. ەردوعاننىڭ ا ق ش ۆيتسە-پرەزيدەنتى مايك پەنسپەن كەزدەسۋىنەن كەيىن جاريالانعان بەس كۇندىك ءبىتىم ۋاقىتى اياقتالدى. سەيسەنبى كۇنى كۇرد جاساقتارى تۇركيامەن ىرگەلەس اۋماقتان كەتكەنىن مالىمدەدى. بۇل - تۇركيانىڭ اسكەري وپەراتسيانى توقتاتۋ ءۇشىن قويعان شارتىنىڭ ءبىرى بولاتىن.

تۇركيانىڭ اسكەري وپەراتسياسى باستالار قارساڭدا سيريانىڭ تۇركيامەن شەكاراسى ماڭىن ا ق ش اسكەرى تاستاپ شىقتى. كۇردتەر باقىلايتىن اۋماقتىڭ ءبىر بولىگىنە رەسەي قولدايتىن سيريا پرەزيدەنتى باشار اساد اسكەرى كىرگىزدى.

«ازاتتىق»


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات