+7 (701) 759 90 19
-6 °С : نۇر-سۇلتان
-3 °С : الماتى
USD 387.14 EUR 428.18
RUB 6.06 CNY 55.23
جاڭالىقتار

بۇرىنعى جانە قازىرگى مەملەكەت باسشىلارىنا ۇقسايتىن قاراپايىم ادامدار

23 قازان 10:56
:ءبولىسۋ
بۇرىنعى جانە قازىرگى مەملەكەت باسشىلارىنا ۇقسايتىن قاراپايىم ادامدار

نۇر-سۇلتان. قازاقپارات - كوشەدەن تانىمال تۇلعاعا ۇقساس ادامدى كورسەڭىز تاڭعالىپ، سول ما، جوق پا دەپ ويلانا كەتەسىز.

كۇنى كەشە ۋكراينا پرەزيدەنتى ۆلاديمير زەلەنسكيگە ۇقسايتىن وزبەكستاندىق ازامات جەلى قولدانۋشىلارىن تاڭعالدىردى. Tengrinews.kz ءتىلشىسى قازىرگى جانە بۇرىنعى مەملەكەت باسشىلارىنا ۇقساس ادامدار جايلى مالىمەت جينادى.

نۇرسۇلتان نازاربايەۆ

بۇل - 2016 -جىلى Instagram جەلىسىندە قىزۋ تالقىلانعان سۋرەتتەردىڭ ءبىرى. تۇڭعىش پرەزيدەنت، ەلباسىعا ۇقسايتىن ادام قالا اۆتوبۋستارىنىڭ بىرىندە جۇرگەن. جەلى قولدانۋشىلارى بۇل - ەلباسىنىڭ ءوزى دەسە، ەندىگى ءبىرى سۋرەت اۆتورىنىڭ فوتوشوپتى جاقسى مەڭگەرگەنىن مەڭزەگەن.


ال 2018 -جىلى قازاقستان قارۋلى كۇشتەرىنىڭ قۇرمەتتى ارداگەرى قادىرالى مۇقاشەۆ ونى كورگەن ادامدار ەلباسى نۇرسۇلتان نازاربايەۆپەن شاتاستىراتىنىن ايتقان. ونىڭ سوزىنشە، ارداگەردى قازاقستان مەن رەسەي شەكاراسىندا نۇرسۇلتان ءابىش ۇلى دەپ ويلاپ قالعان ەكەن.


ماناپ مۇرزاتايەۆ

ايتا كەتەيىك، ەلباسىعا ۇقسايتىن ادام بار. ول - قوستاناي قالاسىنىڭ تۇرعىنى سارسەنباي دودانوۆ. ول 1997 -جىلى «كاراۆان» گازەتى ەلباسىنا ۇقساس جاندار سايىسىن جاريالاعان كەزدە 14 ادامنىڭ ىشىندە جەڭىمپاز اتانعان. سارسەنباي دودانوۆ ءۇشىن ەلباسىنا ۇقساس بولۋ اتاق- ابىرويمەن قاتار مول مۇمكىندىكتەر بەرگەن. سونىڭ ءبىرى - «ەلباسى جولى» كينوەپوپەياسىنىڭ ءۇشىنشى بولىمىندە دودانوۆ نازاربايەۆتىڭ رولىندە ويناعانى.


سارسەنباي دودانوۆ پەن ەلباسى نۇرسۇلتان نازاربايەۆ

كيم چەن ىن

ال بۇل - قىتايداعى شەنيان قالاسى كوشەلەرىنىڭ بىرىندە كاۋاپ ساتاتىن كورەي حالىق دەموكراتيالىق رەسپۋبليكاسىنىڭ «باسشىسى» كيم چەن ىن. قىتاي تۇرعىندارى ونى العاش كورگەندە ءدال وسىنداي ويعا كەلگەن. العاشىندا ول ءوزىنىڭ كورەي باسشىسىنا ۇقسايتىنىن بايقاماعان. حالىق ساتۋشىمەن سۋرەتكە تۇسە باستاعان كەزدە عانا اڭعارعان. كاۋاپ ساتۋشىسى ءوزىنىڭ تانىمالدىعىن ساۋداسىن دامىتۋ ءۇشىن وڭتايلى پايدالانا باستاعان. ول كيم چەن ىننىڭ ستيلىندە شاش ۇلگىسىن جانە كوستيۋم كيىپ شىققان. ساتۋشى ءار سۋرەتكە ءبىر كاۋاپ ساتىپ الۋدى سۇراعان.


قىتايلىق كاۋاپ ساتۋشىسى سۋرەت اشىق ينتەرنەت كوزدەرىنەن

تانىمالدىعى ارتا تۇسكەن ساتۋشى ءتىپتى كومەكشى جالداعان. سەبەبى ونىڭ كوپ ۋاقىتى كليەنتتەرمەن سۋرەتكە تۇسۋگە كەتەتىن كورىنەدى. دونالد ترامپ بۇدان بولەك ۆەتنامدا كيم چەن ىن مەن امەريكا باسشىسى دونالد ترامپتىڭ سىڭارلارى تىلشىلەرگە كوشەدە سۇحبات بەرىپ، جەرگىلىكتى حالىقپەن سۋرەتكە تۇسكەن. فەيك پرەزيدەنتتەردىڭ ەسىمى گوۆارد ەكس جانە راسسەل ۋاي. ولار جالعان سامميتتەرگە قاتىسىپ، تىلشىلەرگە جالعان مالىمەتتەر جاساعان.


جالعان دونالد ترامپ پەن كيم چەن ىن

جەرگىلىكتى ارنالاردىڭ بىرىنە سۇحبات بەرگەن جالعان پرەزيدەنتتەردى پوليتسيا ۇستاعان. كورەي باسشىسىنىڭ سىڭارىن ۆەتنامنان دەپورتاتسيالاعان. ول 27-28 -اقپاندا ا ق ش جانە كورەي حالىق دەموكراتيالىق رەسپۋبليكاسىنىڭ باسشىلارى سامميتتە كەزدەسەتىنىن ەستىگەننەن كەيىن پرەزيدەنتتەرمەن جۇزدەسپەكشى بولعان. پوليتسيا ونىڭ بۇل ارەكەتى دۇرىس ەمەس ەكەنىن ءتۇسىندىرىپ، ارتىنشا ونى دەپورتاتسيالاعان.


اكتەر گوۆارد ەكس پەن راسسەل ۋايت

شي جينپيڭ

«قىتاي باسشىسى شي جينپيڭ اۋىلدا ءبالىش ساتىپ ءجۇر». ءدال وسىنداي جاڭالىق 2014 -جىلى قىتايلىق جەلىلەردە تاراپ كەتكەن بولاتىن. قىتايدىڭ چاڭشا قالاسىنىڭ تۇرعىنى شاو جيانحۋا ەسىمدى ەر ادام قىتاي باسشىسىمەن ۇقساستىعى ءۇشىن تانىمالدىعى بىردەن ارتا تۇسكەن. سەبەبى تۇسكى اس ۋاقىتتارىندا ونىڭ بالىشتەرىن ساتىپ الۋعا ۇزىن-سونار كەزەك جينالعان ەكەن. ساتۋشىنىڭ سوزىنشە، ول كۇنىنە 1600 ءبالىش جاساعان كەزدەرى دە بولعان.


شاو جيانحۋا جانە شي جينپيڭ

باراك وباما

30 جاستاعى قىتايلىق اكتەر شياو جيگو ا ق ش-تىڭ بۇرىنعى پرەزيدەنتى باراك وباماعا قاتتى ۇقسايتىن ادام رەتىندە تانىلعان. ونىڭ قىتايداعى تانىمالدىعى سونشالىق، بۇل اكتەردىڭ مانسابىنا اسەرىن تيگىزبەي قويماعان. ونىڭ ايتۋىنشا، ب ا ق وكىلدەرى اكتەردى ساياسي ىقپالى ءتيىپ كەتەدى دەپ باعدارلامالارعا شاقىرۋعا قورقاقتاعان.


اكتەر شياو جيگو باراك وباما رولىندە

ۆلاديمير پۋتين

بۇل - رەسەيدەگى ك ۆ ن ويىندارى ارقىلى تانىلعان دميتري گراچەۆ. ول - Comedy Club رەزيدەنتى ءارى اكتەر. كوپشىلىككە رەسەي پرەزيدەنتى ۆلاديمير پۋتينگە جاسايتىن پارودياسى ارقىلى دا تانىلىپ ءجۇر. جالپى رەسەي پرەزيدەنتىنە ۇقسايتىن ادامدار سانى كوپ. الايدا حالىق دميتري گراچەۆتى ەرەكشە ۇقساتقان.


دميتري گراچەۆ

پەتر پوروشەنكو

ۋكراينانىڭ بۇرىنعى پرەزيدەنتى پەتر پوروشەنكونىڭ «سىڭارى» مەترودا ۇيىقتاپ وتىرعانداي بولىپ ءتۇسىپ قالعان. ۋكراينالىق بلوگەر رومان سينيسىن Facebook جەلىسىندەگى پاراقشاسىندا بۇرىنعى پرەزيدەنتكە ۇقسايتىن ادامنىڭ سۋرەتىن جۇكتەگەن.


16 -ماۋسىمدا جۇكتەلگەن فوتونى كورگەن جەلى قولدانۋشىلارى ونىڭ ءۇش جىل بۇرىنعى سۋرەت ەكەنىن ايتقان.

ۆلاديمير زەلەنسكي

ايتا كەتەيىك، كەشە 21 -قازاندا ماسكەۋ مەتروسىندا ۋكراينا پرەزيدەنتى ۆلاديمير زەلەنسكيگە ۇقسايتىن ەر ادام تابىلعان. فوتو بىردەن جەلىدە تاراپ كەتكەن. زەلەنسكيگە ۇقسايتىن ەر ادامنىڭ ۋميد ەسىمدى وزبەكستان ازاماتى ەكەنى بەلگىلى بولدى. رەسەيدە ول وتباسىمەن بىرگە تۇرادى. ماسكەۋدەگى اۆتوسەرۆيستەردىڭ بىرىندە اۆتوماليار بولىپ جۇمىس ىستەيدى ەكەن.


«مەن بۇرىن زەلەنسكيدىڭ كىم ەكەنىن بىلمەگەنمىن. 2016 -جىلى ماعان دوستارىم سونداي ازىلكەشتىڭ بار ەكەنىن جانە مەنىڭ سوعان ۇقسايتىنىمدى ايتقان. كەيىننەن ول پرەزيدەنت بولعان كەزدە مەن ونى ءبىلدىم»، - دەيدى ول. زەلەنسكيدىڭ سىڭارىن دوستارى ديما دەپ اتايدى. ال جۇمىستا ونى ازىلدەپ زەلەنسكي دەپ اتاپ كەتكەن.


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات