+7 (701) 759 90 19
-6 °С : نۇر-سۇلتان
-3 °С : الماتى
USD 387.14 EUR 428.18
RUB 6.06 CNY 55.23
جاڭالىقتار

تىلەپ اۋليەنىڭ كەسەنەسى بوي كوتەردى

23 قازان 11:58
:ءبولىسۋ
تىلەپ اۋليەنىڭ كەسەنەسى بوي كوتەردى

قوستاناي. قازاقپارات - جانكەلدين اۋدانىندا تىلەپ اۋليە كەسەنەسىنىڭ قۇرىلىسى اياقتالدى، دەپ حابارلايدى قازاقپارات.

وبلىستىق مادەنيەت باسقارماسىنىڭ باسشىسى ەرلان قالماقوۆتىڭ سوزىنە قاراعاندا، كەسەنە قۇرىلىسى دەمەۋشى قارجىسىنا سالىندى.

بۇل نىسان وبلىستىق ماڭىزى بار ورىنداردىڭ قاتارىنا ەنەدى. قۇرىلىس جۇمىستارىنا 10 ملن تەڭگە جۇمسالدى.

«تىلەپ اسپانتاي ۇلى 13 جاسىنان قوبىزدا ويناي باستاعان دەيدى. ايگىلى قويلىبايدىڭ شاكىرتى بولعان. قازاقتىڭ مۋزىكا ونەرىنىڭ دامۋىنا زور ۇلەس قوستى. ءبىزدىڭ زامانىمىزعا ونىڭ تەك ءۇش كۇيى عانا ساقتالىپ جەتكەن. ولار مۋزىكالىق مۇرانىڭ التىن قورىنا ەنگەن. تىلەپ اسپانتاي ۇلى اتاقتى ەمشى، كورىپكەل رەتىندە دە تانىمال. وزەننىڭ ارعى بەتىندەگى كيىز ءۇيدى بەرگى بەتكە كوشىرەتىن باقسىلىعى دا تاراعان. ادامداردى ءتۇرلى اۋرۋدان ەمدەگەن قاسيەتتى قارا قوبىز ۇرپاقتان ۇرپاققا قالدى. بۇرىنعى يۋجنىي سوۆحوزىندا «تىلەپ بيدايىعى» دەگەن جەر بار. ءوزى كوشىپ جۇرگەندە: «استىمداعى نارىم قاي جەرگە شوگەدى، مەنى سوندا جەرلەڭدەر» - دەگەن ەكەن. ونىڭ بەيىتى جانكەلدين اۋدانى ا. بايتۇرسىن ۇلى وكرۋگىنىڭ شۇقىركولىنەن 12 شاقىرىم جەردە ورنالاسقان»، - دەيدى جانكەلدين اۋدانىنىڭ اقساقالى يبراگيم اعىتايەۆ.

ايتا كەتەيىك، قازىر مۋزىكالىق اكادەميادا تىلەپ اسپانتاي ۇلىنىڭ اتىندا قوبىزشىلار كۆارتەتى، مۋزىكالىق اكادەميا ءانسامبلى بار.


اۆتور: قاسقىرباي قويشىمانوۆ


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات