+7 (701) 759 90 19
-6 °С : نۇر-سۇلتان
-3 °С : الماتى
USD 387.14 EUR 428.18
RUB 6.06 CNY 55.23
جاڭالىقتار

ق ر قورعانىس ءمينيسترى بەيجىڭ فورۋمىندا ءسوز سويلەدى

23 قازان 09:12
:ءبولىسۋ
ق ر قورعانىس ءمينيسترى بەيجىڭ فورۋمىندا ءسوز سويلەدى

بەيجىڭ. قازاقپارات - قازاقستان قورعانىس ءمينيسترى نۇرلان ەرمەكبايەۆ قىتاي حالىق رەسپۋبليكاسىنا جۇمىس ساپارى جالعاسۋدا.

ول «شياڭشان» قاۋىپسىزدىك ماسەلەلەرى بويىنشا IX بەيجىڭ فورۋمىندا ءسوز سويلەدى. بۇل تۋرالى قازاقپارات مينيسلىكتىڭ باسپا ءسوز قىزمەتىنە سىلتەمە جاساپ حابارلايدى.

فورۋمنىڭ پلەنارلىق وتىرىسىنداعى بايانداماسىندا قورعانىس ۆەدومستۆوسىنىڭ باسشىسى قارۋ-جاراق پەن جاھاندىق قاۋىپسىزدىكتى حالىقارالىق باقىلاۋ جۇيەسىنە قاتىستى وي-پىكىرىمەن ءبولىستى.

«تاۋەلسىزدىك جىلدارىندا ەلىمىز كورشىلىك پەن ىنتىماقتاستىق بەلدەۋىن قۇردى، ازياداعى سەنىم شارالارى مەن ءوزارا ءىس- قيمىل جونىندەگى كەڭەستىڭ قۇرىلۋىنا باستاما تانىتتى، ش ى ۇ قۇرىلتايشىلارىنىڭ بىرىنە اينالدى. ازيانىڭ قاۋىپسىزدىگىن قامتاماسىز جولدارىن كىرىكتىرۋ جونىندەگى جۇمىستى ءبىرتۇتاس ەتىپ جالعاستىرۋدى قاجەت دەپ سانايمىز. ق ر پرەزيدەنتى قاسىم- جومارت توقايەۆ ايتقانداي «بۇگىن ءبىز وكىنىشكە وراي، ءارتۇرلى ەكىجاقتى اليانستاردىڭ، وڭىرلىك جانە سۋبوڭىرلىك ينستيتۋتتاردىڭ الۋان ءتۇرىن كورىپ وتىرمىز»، - دەدى ول.


مينيستر عارىشتا، الەمدىك مۇحيت پەن اركتيكاداعى بەيتاراپ سۋلاردا قارۋ- جاراقتى ورنالاستىرۋعا تىيىم سالۋ تۋرالى «الەم. ХХІ عاسىر» مانيفەستىندە اتاپ وتىلگەن ەلباسى باستامالارىنىڭ ماڭىزدىلىعىن، سونداي-اق جاپپاي جويۋ قارۋىنىڭ جاڭا تۇرلەرىن قۇرۋ ءۇشىن عىلىمي جاڭالىقتاردى پايدالانۋعا تىيىم سالۋ تۋرالى اتاپ ءوتتى.

«وڭىرلىك جانە جاھاندىق تۇراقتىلىق كوبىنەسە كەلىسىلگەن ءىس- قيمىلدارىمىزعا بايلانىستى بولادى. سوندىقتان بىرلەسكەن شەشىمدەردى ىزدەستىرۋ جانە تەرىس ۇردىستەر مەن قاۋىپ- قاتەرلەرگە تويتارىس بەرۋدى تەرەڭدەتۋ قاجەت»، - دەپ نۇرلان ەرمەكبايەۆ ويىن تۇيىندەدى.

قىتايعا جۇمىس ساپارى بارىسىندا مينيستر قىتايلىق ارىپتەسى ق ح ر ۇلتتىق قورعانىس ءمينيسترى گەنەرال-پولكوۆنيك ۆەي فەنحەمەن كەزدەستى.

قورعانىس ۆەدومستۆولارىنىڭ باسشىلارى اسكەري سالاداعى ەكىجاقتى ىنتىماقتاستىق باعىتتارىن، بىرلەسكەن وقۋ-جاتتىعۋلارعا قاتىسۋ، كادرلاردى دايىنداۋ، سونداي-اق اسكەري- تەحنيكالىق ءوزارا ءىس-قيمىلدى تالقىلادى. مينيستر قىتايلىق ارىپتەسىن بەيجىڭ فورۋمىنا قاتىسۋعا شاقىرعانى ءۇشىن العىس ءبىلدىردى.

ودان باسقا، قورعانىس ءمينيسترى «CATIC» قىتاي ۇلتتىق اەروعارىش يمپورتتىق-ەكسپورتتىق كورپوراتسياسىنا جانە قوسالقى بولشەكتەردى ساقتاۋعا ارنالعان اۆتوماتتاندىرىلعان قويماعا باردى.



باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات