+7 (701) 759 90 19
-9 °С : نۇر-سۇلتان
-1 °С : الماتى
USD 385.55 EUR 426.57
RUB 6.05 CNY 54.77
جاڭالىقتار

ەلورداداعى ل ر ت قاشان ىسكە قوسىلادى: نۇر-سۇلتان اكىمدىگى جوسپارىمەن ءبولىستى

23 قازان 08:26
:ءبولىسۋ
ەلورداداعى ل ر ت قاشان ىسكە قوسىلادى: نۇر-سۇلتان اكىمدىگى جوسپارىمەن ءبولىستى

نۇر-سۇلتان. قازاقپارات - ەلوردا اكىمدىگى جەڭىل رەلستى كولىك جۇيەسىنىڭ قۇرىلىسى مەن ونىڭ قاجەتتىلىگىنە قاتىستى بولجامنىڭ ءمان-جايىن جاريالادى، دەپ حابارلايدى قازاقپارات ءتىلشىسى.

«LRT جوباسىن UA4 رەجىمىندە (100 پايىز اۆتوماتتى باسقارۋ) 2020 -جىلى ىسكە قوسۋ جوسپارلانعان. بۇگىنگى تاڭدا كونسورتسيۋممەن بىرلەسىپ جاڭا جۇمىس كەستەسى جاسالىپ جاتىر. باس جوسپارعا سايكەس، LRT جولى بويىندا ورنالاسقان اۋداندارداعى حالىق سانى 2030 -جىلعا قاراي 500 مىڭنان ارتادى. قازىرگى ۋاقىتتا اۋەجاي مەن جاڭا تەمىرجول ۆوكزالىنىڭ اراسىنداعى جولاۋشىلار اعىنى كۇنىنە 29 مىڭ ساپاردى قۇرايدى»، - دەپ حابارلادى اكىمدىكتىڭ باسپا ءسوز قىزمەتى رەداكسيانىڭ جازباشا سۇراۋىنا جاۋاپ بەرە وتىرىپ.

وسىعان بايلانىستى قازىرگى كەزەڭدە جىلجىمالى قۇرامنىڭ ءبىر بولىگىن ساتىپ الماي-اق، پويىزداردىڭ سانىن 19 دان 12 گە دەيىن قىسقارتۋ كوزدەلگەنى اتاپ ءوتىلدى. ساراپشىلاردىڭ بولجامى بويىنشا، بۇل شارا شامامەن 40 ميلليون ا ق ش دوللارىن نەمەسە 15 ميلليارد تەڭگەنى ۇنەمدەۋگە مۇمكىندىك بەرەدى.

«جوبا بويىنشا باستاپقى شىعىنداردى ازايتۋ ءۇشىن اكىمدىك ىسكە قوسۋ كەشەندەرىن ءبولۋ مۇمكىندىگىن قاراستىرىپ جاتىر. جوبا بويىنشا اۋەجايدان «نۇرلى جول» ستانسياسىنا دەيىنگى ۋچاسكەدە 18 ستانسيانىڭ قۇرىلىسى قاراستىرىلعان»، - دەپ ەسكە سالدى اكىمدىك.

وسىلايشا، جولاۋشىلار اعىنىنىڭ قازىرگى جۇكتەمەسىن ەسكەرە وتىرىپ، 7 ستانسيانىڭ اشىلۋىن ەكىنشى ىسكە قوسۋ كەشەنىنە اۋىستىرۋ جوسپارلانىپ وتىر. ياعني، جەراستى جاياۋ جۇرگىنشىلەر وتكەلدەرىنىڭ باستاپقى شىعىندارى پروپورتسيونالدى تۇردە ازايادى. بۇل، جوبانىڭ ەكسپلۋاتاتسيالىق جۇمىسى مەن قاۋىپسىزدىكتى بۇزباي 110 ميلليون ا ق ش دوللارىن نەمەسە 42 ميلليارد تەڭگەنى ۇنەمدەيدى.

ەسكە سالساق، بۇعان دەيىن پرەزيدەنت قاسىم-جومارت توقايەۆ LRT قۇرىلىسىن جەدەلدەتۋدى جانە وعان قاتىستى ءىستى تەرگەۋدى تاپسىرعان بولاتىن.

اۆتور: ايان بەكەن ۇلى


باستى سوزدەر: استانا,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات