+7 (701) 759 90 19
-9 °С : نۇر-سۇلتان
-1 °С : الماتى
USD 385.55 EUR 426.57
RUB 6.05 CNY 54.77
جاڭالىقتار

ەۋروپا كوميسسياسى حورۆاتيانى شەنگەن ايماعىنا قوسۋدى ۇسىندى

23 قازان 08:11
:ءبولىسۋ
ەۋروپا كوميسسياسى حورۆاتيانى شەنگەن ايماعىنا قوسۋدى ۇسىندى

بريۋسسەل. قازاقپارات - ەۋروپا كوميسسياسى حورۆاتيانى شەنگەن كەلىسىمىنە مۇشە ەلدەر قاتارىنا قوسۋدى ۇسىندى، دەپ حابارلايدى «قازاقپارات» ح ا ا مەنشىكتى ءتىلشىسى.

«ەۋروكوميسسيا 2016-جىلدان بەرگى شەنگەن باعالاۋىنىڭ ناتيجەسى بويىنشا، حورۆاتيا شەنگەن كەلىسىمىنىڭ ەرەجەلەرى مەن ستاندارتتارىن تولىققاندى قولدانۋعا قاجەتتى شارالاردى ىسكە اسىرعانى دالەلىن تاپتى»، - دەلىنگەن ەۋروكوميسسيانىڭ سەيسەنبىدە جاريالانعان كومميۋنيكەسىندە.

حورۆاتيا قازىرگى جۇمىستاردى جالعاستىرا بەرەدى. اتاپ ايتقاندا، ودان كەيىن دە شەنگەن شارتتارىنىڭ ورىندالۋىن قامتاماسىز ەتۋ ءۇشىن سىرتقى شەكارالاردى باسقارۋ شارالارىن توقتاتپايدى.

بۇدان بولەك، ەۋروپا كوميسسياسى حورۆاتيانىڭ شەنگەن ەرەجەلەرىمەن بايلانىستى مىندەتتەمەلەرىن ورىنداپ وتىرعانىن راستادى.

وسىعان بايلانىستى، كوميسسيا ەۋروپا وداعىن حورۆاتيانى شەنگەن ايماعىنا قوسۋ ماسەلەسىن تالقىلاۋعا شاقىردى.

ايتا كەتەيىك، شەنگەن ايماعىنا ە و- نىڭ 22 ەلى (اۋستريا، بەلگيا، دانيا، فرانسيا، فينليانديا، گەرمانيا، گرەكيا، يتاليا، ليۋكسەمبۋرگ، نيدەرلاند، پورتۋگاليا، يسپانيا، شۆەتسيا، چەحيا، ەستونيا ۆەنگريا، لاتۆيا، ليتۆا، مالتا، پولشا، سلوۆاكيا جانە سلوۆەنيا)، سونداي-اق ەۋرووداققا مۇشە ەمەس 4 مەملەكەت (نورۆەگيا، يسلانديا، شۆەيتساريا جانە ليحتەنشتەين) كىرەدى.


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات