پرەزيدەنت قۇقىق قورعاۋ ورگاندارىنا تاپسىرما بەردى

نۇر- سۇلتان. قازاقپارات - اقوردادا قازاقستان پرەزيدەنتى قاسىم- جومارت توقايەۆتىڭ قاتىسۋىمەن وتكەن جيىندا ەلىمىزدىڭ قوعامدىق- ساياسي ومىرىندەگى وزەكتى ماسەلەلەر تالقىلاندى، دەپ حابارلايدى قازاقپارات.

كەڭەسكە پرەزيدەنت اكىمشىلىگىنىڭ باسشىلىعى، قاۋىپسىزدىك كەڭەسىنىڭ حاتشىسى، سونداي- اق باس پروكۋراتۋرا، ۇلتتىق قاۋىپسىزدىك كوميتەتى، مەملەكەتتىك كۇزەت قىزمەتى، ىشكى ىستەر مينيسترلىگىنىڭ باسشىلارى قاتىستى.

«قاسىم- جومارت توقايەۆ بارلىق قازاقستاندىقتاردىڭ قۇقىقتارىن قامتاماسىز ەتۋ ماقساتىندا ەلىمىزدەگى قۇقىقتىق ءتارتىپ پەن زاڭدىلىقتى كۇشەيتۋدىڭ ايرىقشا ماڭىزدىلىعىن اتاپ ءوتتى. پرەزيدەنت ۇلتتىق زاڭنامالاردى ءتۇسىندىرۋ جانە ازاماتتاردىڭ قۇقىقتىق ساۋاتتىلىعىن ارتتىرۋ جۇمىستارىن جانداندىرۋ قاجەت دەپ سانايدى»، - دەلىنگەن اقوردانىڭ رەسمي سايتىندا.