كەلەر جىلى قانداي جولدار اقىلى بولادى

None
None
نۇر- سۇلتان. قازاقپارات - كەلەسى جىلى قازاقستاندا تاعى ءتورت اۆتوتراسسا اقىلى نەگىزگە كوشىرىلەدى. بۇل تۋرالى   PrimeMinister.kz-كە بەرگەن سۇحباتىندا يندۋستريا جانە ينفراقۇرىلىمدىق دامۋ مينيسترلىگى اۆتوموبيل جولدارى كوميتەتىنىڭ ءتوراعاسى سايرانبەك بارماقوۆ ايتتى، دەپ حابارلايدى قازاقپارات.

س. بارماقوۆتىڭ ايتۋىنشا، بۇگىندە ەلىمىزدە 682 شاقىرىم اۆتوجول - اقىلى. بۇلار - «نۇر- سۇلتان - تەمىرتاۋ»، «نۇر- سۇلتان - شۋچينسك»، «الماتى - قورعاس» جانە «الماتى - قاپشاعاي» باعىتتارى.

«اقىلى جولدان تۇسكەن اقشا تولىعىمەن وسى جولداردى قامتاماسىز ەتۋگە جۇمسالادى. بۇرىن ولاردى قامتۋعا رەسپۋبليكالىق بيۋدجەتتەن قاراجات بولىنەتىن. جىل باسىنان بەرى ءبىز وسى ءتورت اقىلى جولدان 4 ميلليارد 130 ميلليون تەڭگە جينادىق»، - دەدى كوميتەت ءتوراعاسى.

سونىمەن قاتار ول قازىرگى ۋاقىتتا رەسپۋبليكالىق ماڭىزى بار اۆتوموبيل جولدارىنىڭ 11 مىڭ شاقىرىمىن اقىلى ەتۋ ماسەلەسى قاراستىرىلىپ جاتقانىن ايتتى. ونىڭ ىشىندە 2020 -جىلى - 5,9 مىڭ شاقىرىمىندا، 2023 -جىلعا دەيىن قالعان 5 مىڭ شاقىرىمىندا اقىلى جۇيەنى ەنگىزۋ جوسپارلانعان.

وسى جىلدىڭ شىلدەسىندە «قازاۆتوجول» ۇ ك» ا ق اقىلى جۇيەنى ەنگىزۋگە ينۆەستيتسيالىق كونكۋرس جاريالادى. جىل سوڭىنا دەيىن كونكۋرس قورىتىندىسىن شىعارىپ، ينۆەستورمەن كەلىسىم جاساسۋ كوزدەلگەن.

كوميتەت باسشىسى اتاپ وتكەندەي، 2020 -جىلى «باتىس ەۋروپا - باتىس قىتاي» ءدالىزى، «شۋچينسك - پەتروپاۆل» جول ۋچاسكەسى، «ومبى - پاۆلودار» جانە «نۇر- سۇلتان - قوستاناي – ر ف شەكاراسىنا دەيىنگى جول» اقىلى بولادى.

«الدىن الا ەسەپتەۋلەر بويىنشا، اقىلى جولداردان الىمدار جىلىنا 40 ميلليارد تەڭگەنى قۇرايتىن بولادى. بۇل اۆتوموبيل جولدارىنىڭ ءوزىن- ءوزى قامتۋعا كوشۋگە مۇمكىندىك بەرىپ، ينۆەستوردىڭ تولەماقى الۋ جۇيەسىن ەنگىزۋگە جۇمساعان شىعىنىن جابۋدى قامتاماسىز ەتەدى. وسىلايشا، جوبا ءوزىن- ءوزى اقتايتىن بولادى جانە مەملەكەتتىك بيۋدجەتكە سالماق تۇسىرمەيدى»، - دەدى ول.

سوڭعى جاڭالىقتار