اتا- اناڭ قانشا تابىس تابادى - مەكتەپ وقۋلىعىنان ەرەكشە «تاپسىرما» انىقتالدى
ونىڭ جازۋىنشا، وقۋلىقتاعى تاپسىرمادا وقۋشىلارعا اكەسى مەن اناسىنىڭ تابىسىن جازىپ بەرۋ مىندەتى قويىلعان.
«مىنا قىزىقتى كورىپ، تاڭ- تاماشا قالىپ وتىرمىن. قىزىم كەلىپ، الەمدى تانۋ بويىنشا تاپسىرماعا كومەكتەسىپ جىبەرۋىمدى ءوتىندى (ونداي ءپان ءتورتىنشى سىنىپتا بار). ۇقپاعان تۇسىن سۇرادى (...) وقۋلىقتى جاساۋشىلار، سىزدەر تۇندە سالىق ورگاندارىندا جۇمىس ىستەپ جۇرگەن جوقسىزدار ما؟ مىنا سۇراقتارىڭنىڭ سيقىن قاراڭدار! وتباسىلىق تابىستى بالالار ارقىلى ءبىلىپ الۋ ءجون دەپ وتىرسىڭدار ما؟» - دەپ جازادى اشۋلى اكە.
الەۋمەتتىك جەلى قولدانۋشىسى وقۋلىقتاعى تاپسىرمانى قۇپيا قىزمەتتىڭ جۇمىسىمەن سالىستىرادى.
«مەن مۇنداي وقۋلىقتار مەن تاپسىرمالارعا قارسىمىن! البەتتە، تابىستى جاسىرۋ كەرەك دەگەن پايىم- پىكىرگە سۇيەنىپ وتىرعان جوقپىن. بۇل زاڭسىز»، - دەدى ول.
ەسكە سالا كەتسەك، كەشە پارلامەنت ماجىلىسىندەگى ۇكىمەت ساعاتىندا ق ر ءبىلىم جانە عىلىم ءمينيسترى اسحات ايماعامبەتوۆ وقۋلىق دايارلاۋ، تالداۋ شارالارىنا سىن ايتىلىپ جاتقانىن مويىنداعان ەدى. وسى ماسەلەلەردى شەشۋ ءۇشىن قازىرگى ۋاقىتتا ق ر ءبىلىم جانە عىلىم مينيسترلىگى وقۋلىق ساپاسىن جاقسارتۋ جانە ساراپتاۋ تەتىگىن جاڭارتۋ بويىنشا جۇمىس جۇرگىزىپ جاتىر. سونداي- اق اۆتورلار مەن ساراپشىلاردى وقىتۋ، وقۋلىقتارعا «جاسىرىن» شولۋ جاساۋ، ساراپشىلاردى سەرتيفيكاتتاۋ ۇيىمداستىرىلادى.