+7 (701) 759 90 19
-21 °С : نۇر-سۇلتان
-9 °С : الماتى
USD 386.44 EUR 428.37
RUB 6.06 CNY 54.93
جاڭالىقتار

قارقارالىدا كوپبالالى انالار بيزنەسپەن اينالىسۋدا

22 قازان 18:54
:ءبولىسۋ
قارقارالىدا كوپبالالى انالار بيزنەسپەن اينالىسۋدا

قارقارالى. قازاقپارات - قاراعاندى وبلىسىندا كوپ بالالى انالار مەملەكەت قولداۋىمەن ءوز بيزنەسىن دامىتۋدا، دەپ حابارلايدى قازاقپارات ءتىلشىسى.

مەملەكەتتىك قولداۋدىڭ ارقاسىندا مەرۋەرت سىزدىقوۆا ءوز بيزنەسىن كەڭەيتۋدە. مەملەكەت تاراپىنان بەرىلگەن كومەك قاراجاتقا قاجەتتى قۇرال- جابدىقتار ساتىپ العان. ول الداعى ۋاقىتتا بۋفەت اشۋدى جوسپارلاپ وتىر.

«مەنىڭ 4 بالام بار. الدىمەن تورتتار مەن بالىشتەردى وتباسىما جانە قوناقتارعا ءپىسىردىم. ءبىراق كوپ ۇزاماي تاپسىرىستار تۇسە باستادى. سول كەزدە مەن ءوز بيزنەسىمدى اشۋدى شەشتىم. بۇگىنگى كۇنى بىزدە بارلىق اۋدان بويىنشا ۇلكەن اسسورتيمەنت پەن كليەنتتىك بازا قۇرىلدى. وسىلايشا ءبىز اتاۋلى الەۋمەتتىك كومەكتەن باس تارتتىق. جاردەماقىنىڭ ورنىنا ءوندىرىسىمىزدى كەڭەيتۋ ءۇشىن گرانت الۋدى شەشتىك. بولاشاقتا تاماقتاناتىن شاعىن ورتالىق اشسام دەيمىن» ، - دەيدى مەرۋەرت سىزدىقوۆا.

گرانتتىڭ تاعى ءبىر يەگەرى اسەم مامەجانوۆا كەستە تىگۋمەن اينالىسادى. الىنعان قاراجاتقا ول تىگىن ماشيناسىن ساتىپ الدى.

«مەن 40 جاستامىن جانە بەس بالام بار. كەستەمەن بۇرىننان اينالىسامىن، ءبىراق ارنايى ماشينام بولمادى، ءبارىن قولمەن جاساۋعا تۋرا كەلدى. بۇل كوپ ۋاقىت الادى. ەندى جۇمىسىم الدەقايدا وڭاي بولادى. گرانتقا كەستە تىگەتىن ماشينا ساتىپ الدىم. جاقىندا تاپسىرىس بويىنشا جارمەڭكە ءۇشىن الجاپقىش تىكتىم. تاپسىرىس بارلىق اۋداننان كەلىپ تۇسەدى. بالالارىم ماعان كومەكتەسۋدە» ، - دەيدى كوپبالالى انا اسەم مامەجانوۆا.

جىل باسىنان بەرى قارقارالى اۋدانىندا وسىنداي قارجىلاي كومەكتى 110 كاسىپكەر الدى، ونىڭ 8 ءى كوپ بالالى وتباسىلار.

«بيىلعى جىلدان باستاپ ءىسىن جاڭا باستاعان كاسىپكەرلەر ءۇشىن ءوز ءىسىن جانە بيزنەس- يدەيالاردى دامىتۋعا گرانتتار قاراستىرىلعان. جوبا «ەڭبەك» ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ مەملەكەتتىك باعدارلاماسى اياسىندا جۇزەگە اسىرىلۋدا. ءبىزدىڭ اۋدانىمىز بويىنشا وسى جىلى 110 كاسىپكەر 54 ميلليون 287 مىڭ تەڭگەگە قارجىلىق كومەك الدى. ولاردىڭ 8 ءى كوپ بالالى وتباسىلار، 5 ءى جۇمىسسىزدار، 5-ءى از قامتىلعاندار، 5 ءى مۇمكىندىگى شەكتەۋلى ادامدار جانە 87 جاس كاسىپكەرلەر. بۇل جۇمىس الداعى ۋاقىتتا دا جالعاسىن تابادى» ، - دەدى قارقارالى اۋدانىنىڭ جۇمىسپەن قامتۋ ورتالىعىنىڭ ديرەكتورى قانات بابايبەكوۆ.

ونىڭ ايتۋىنشا، گرانت العان كاسىپكەرلەردىڭ كوپشىلىگى قاراجاتتارىن مال شارۋاشىلىعىن دامىتۋعا جۇمساماق. قالعاندارى قىزمەت كورسەتۋ، تاماقتانۋ، كيىم تىگۋ جانە ت. ب. سالاسىندا قىزمەت كورسەتۋدى كوزدەپ وتىر.

قازىر اۋداندا 439 وتباسى اتاۋلى كومەك الۋدا. ولاردىڭ 6 سى جاردەماقى الۋدان باس تارتىپ، ءوز ءىسىن اشۋعا شەشىم قابىلدادى. وسىعان بايلانىستى گرانتتارعا قوسىمشا قاراجات ءبولۋ مۇمكىندىگى قاراستىرىلۋدا.


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات